ევროუქმეების ფაქტები და ციფრები: როგორც შუბი ხალათში არ იმალება...

AutoSharing Option
ციფრებს ვერაფერი დაემალება - "სტემფორდ ბრიჯის" ტაბლოზე 4:0 ენთო, ჟოზე მოურინიომ კი ბოლო 27 მატჩში თითქმის ნახევარი წააგო. პროფესიული კრიზისი თურმე განსაკუთრებულებსაც ემართებათ...

პრემიერლიგა: ჟოზე? პეპიც!
* თეო უოლკოტმა (არსენალი) ამ სეზონში ყველაზე მეტჯერ დაარტყა მეტოქეთა კარისკენ ზუსტად - 17.

* პრემიერლიგის პირველ 9 ტურში ამაზე ცოტა ქულა "მანჩესტერს" მხოლოდ 2014/15 წლების სეზონში ჰქონდა - 13 (ახლა 14 აქვს).

* 0:4 - პრემიერლიგაში ჟოზე მოურინიო ამაზე დიდი ანგარიშით არასოდეს დამარცხებულა. კარიერაში ყველაზე დიდი მარცხი კი მას ესპანეთში შეემთხვა, "ბარსელონას" წინააღმდეგ -
0:5 (2010 წელს).

* პრემიერლიგაში მოურინიოს გუნდებმა 4 და მეტი გოლი სულ მეორედ გაუშვეს. პირველი შემთხვევა 2015 წელს მოხდა, როცა მისი "ჩელსი" "ტოტენჰემთან" 3:5 დამარცხდა.

* ედენ აზარს ამ სეზონში უკვე 4 გოლი დაუგროვდა, ზუსტად ამდენი გოლი გაიტანა ბელგიელმა გასულ სეზონში მთლიანად.

* "მანჩესტერმა" კუთხურის ჩაწოდების მერე თებერვლიდან მოყოლებული პირველი გოლი გაუშვა.

* პრემიერლიგის ისტორიაში "მანჩესტერმა" სულ 6 გოლი გაუშვა თამაშის პირველ წუთზე.

* პედრომ "მანჩესტერის" კარი 30-ე წამზე დალაშქრა. ეს ამ სეზონის უსწრაფესი გოლია პრემიერლიგაში.

* პარადოქსია, მაგრამ ყველაზე მეტჯერ "ჩელსის" "მანჩესტერთან" მოურინიომ მოაგებინა - 5-ჯერ.

* ხოსეპ გვარდიოლას ვერ მოუგია ბოლო ხუთ შეხვედრაში ყველა ტურნირში. ასეთი რამ პეპს ბოლოს 2009 წელს მოუვიდა.

* კელეჩი იჰეანაჩომ (სიტი) 17-ჯერ დაარტყა კარში და 11-ჯერ გაიტანა პრემიერლიგის მატჩებში.

* იჰეანაჩომ ბოლო 11 მატჩიდან 8-ში გაიტანა პრემიერლიგაში.

* რაც გვარდიოლა "სიტის" მწვრთნელია, პირველად მოხდა, რომ გუნდმა მეტოქის კარში ერთხელაც ვერ დაარტყა ზუსტად პირველ ტაიმში.

* 2016 წელს "საუთჰემპტონმა" პრემიერლიგაში 51 ქულა დააგროვა, ორით მეტი, ვიდრე "სიტიმ".

* ვენსან კომპანიმ (სიტი) აპრილის მერე პირველად ითამაშა სასტარტო შემადგენლობაში.

* რაც იურგენ კლოპია (2015 წლის აგვისტოდან) "ლივერპულის" სათავეში, ყველაზე მეტი გოლი სწორედ ამ გუნდმა გაიტანა - 75.

* 2016 წელს პრემიერლიგაში "ლივერპულის" გოლებში ყველაზე დიდი წვლილი რობერტო ფირმინოს მიუძღვის - 12 გოლი და 5 საგოლე პასი.

* გასული და ახალი სეზონების ჯამში დიმიტრი პაიეზე (ვესტ ჰემი) საგოლე პასი მხოლოდ მესუთ იოზილის ანგარიშზეა - 16 19-ის წინააღმდეგ.

* შინჯი ოკაზაკი წამოეწია შინჯი კაგავას და ახლა 6 გოლით მასთან ერთად ყველა დროის იაპონელი ბომბარდირია ინგლისში.

* ჯერდან შაკირი გახდა "სტოკის" პირველი ფეხბურთელი, ვინც ერთ თამაშში ორი გოლი გაიტანა საჯარიმოს გარედან.

* ჯეკ უილშირმა (ბორნმუთი) 2014 წლის მერე პირველად ითამაშა პრემიერლიგის მატჩი შეუცვლელად.

* საიდო ბერაჰინოს (ვესტ ბრომვიჩი) კრიზისი აშკარაა, პრემიერლიგის ბოლო 28 მატჩში მის ანგარიშზე ერთადერთი გოლია და არც ერთი საგოლე პასი.

* ჟოზე მოურინიომ ბოლო 27 მატჩიდან 13 წააგო. არადა, წინა 13 წაგება მან 135 მატჩში იწვნია. აშკარად ჩანს, რომ მოუს სამწვრთნელო კრიზისი აქვს.

ლა ლიგა: რონალდოც კრიზისში
* ლიონელ მესის ბოლო 8 ზუსტი დარტყმიდან გოლკიპერებმა მხოლოდ ორი მოიგერიეს, 6-ჯერ კი არგენტინელმა გოლი გაიტანა.

* "ვალენსიას" კარში ამ სეზონში ტოპ-5 ლიგაში ყველაზე მეტი პენალტი დაინიშნა - 6, მაგრამ აქედან 4 დიეგო ალვეშმა მოიგერია.

* ლიონელ მესი ერთადერთი ფეხბურთელია, ვინც დიეგო ალვეშს (ვალენსია) სამი პენალტი გაუტანა.

* "სელტას" დანიელმა ლეგიონერმა პიონე სისტომ ამ სეზონში (ყველა შეჯიბრში) 17 მატჩი ითამაშა. ეს ესპანეთში საუკეთესო შედეგია.

* თუკი "სევილია" მე-10 ტურში "სპორტინგს" მოუგებს, ეს კლუბის ისტორიაში საუკეთესო სტარტი იქნება.

* კრიშტიანო რონალდომ "სანტიაგო ბერნაბეუზე" მიჯრით ოთხ მატჩში ვერ გაიტანა გოლი. ეს მის კარიერაში პირველი ასეთი შემთხვევაა.

* ალვარო მორატამ ამ სეზონში 3 გოლი გაიტანა შეცვლაზე, ყველაზე მეტი ლა ლიგაში.

* 2013 წლიდან მოყოლებული, ისკოს ანგარიშზე 31 საგოლე პასია, ყველაზე მეტი "რეალის" ნახევარმცველთა შორის.

* კევინ-პრინს ბოატენგმა (ლას პალმასი) ალბათ, ლა ლიგის ერთ-ერთი ულამაზესი გოლი გაიტანა. ეს კომბინაცია ზედიზედ 19 პასისგან შედგებოდა.

* დიეგო სიმეონეს "სევილიას" წინააღმდეგ აქამდე არასოდეს წაუგია (მწვრთნელის რანგში).

* ლუსიანო ვიეტომ (სევილია) ამ სეზონში 6 გოლში მიიღო მონაწილეობა (3 გოლი, 3 საგოლე პასი).

* გილერმე ოჩოამ "მალაგას" მაისურით კარი პირველად შეინახა მშრალად.

Sportall.Ge

სერია A: ჯეკო შეუჩერებელია
* "მილანის" დარტყმების 22% გოლად გარდაიქმნება. ეს იტალიის ჩემპიონატში საუკეთესო შედეგია.

* ფელიპე ანდერსონმა (ლაციო) ამ სეზონში ყველაზე მეტი საგოლე პასი მიითვალა ჩემპიონატში - 4.

* ამ ტურში 33 გოლი გავიდა, ყველაზე მეტი ამ სეზონში.

* ედინ ჯეკომ (რომა) უკვე 8 გოლი გაიტანა ჩემპიონატში, ზუსტად ამდენი გოლით დაასრულა მან წინა სეზონი.

* მაურო იკარდიმ (ინტერი) ერთხელაც კი ვერ შეძლო მეტოქის კარში ზუსტად დარტყმა.

* ედერმა (ინტერი) იტალიის ჩემპიონატში თავისი 50-ე გოლი გაიტანა.

* იაგო ფალკემ ბოლო 4 მატჩში 4 გოლი გაიტანა და 3 საგოლე პასი გააკეთა.

* დავიდე დი ჯენარომ (კალიარი) ამ სეზონში ყველაზე სწრაფი გოლი გაიტანა - წუთსა და 5 წამში. მთლად პედროს შედეგი არაა, მაგრამ...

* ბოლოს "მილანმა" 9 ტურში 19 ქულა ან მეტი შორეულ 2008/09 წლების სეზონში მოაგროვა. იმ ჩემპიონატში გუნდი მე-2 ადგილზე გავიდა.

* ტურინის "იუვენტუსი" "სან სიროზე" 2009/10 წლების სეზონის მერე პირველად დამარცხდა ორივე მილანურ კლუბთან.

* მანუელ ლოკატელის პირველი ორი ზუსტი დარტყმა ჩემპიონატში ორჯერვე გოლით დაგვირგვინდა.

* მატია პერინმა (ჯენოა) 24-დან 6 პენალტი მოიგერია (25%).

ბუნდესლიგა: თავურების გუნდი
* "მაინცის" 14 გოლიდან 12-ში წვლილი პაბლო დე ბლასისს და იუნუს მალის მიუძღვით.

* "ბაიერნის" გარდა, ყოველ ტურში გოლი მხოლოდ "ლაიპციგს" გააქვს.

* თომას მიულერმა "ბაიერნის" რიგებში 365-ე მატჩი ითამაშა. ის ამ მაჩვენებლით ჰასან სალიჰამიჯიჩს გაუთანაბრდა.

* რაც ასეთი სტატისტიკა ითვლება, პირველად მოხდა, რომ "ბაიერნმა" პირველ ტაიმში ერთი ჯარიმაც კი არ "აიკიდა".

* დუგლას კოშტამ "ბაიერნის" რიგებში პირველად გაიტანა გოლი მარჯვენა ფეხით.

* "ბაიერნის" ბოლო 4 გოლი თავურია.

* "ბაიერნმა" ბუნდესლიგაში ბოლო 22 მატჩიდან 19 მოიგო, 2 ფრედ დაასრულა და მხოლოდ ერთი დათმო. ბურთების შეფარდება - 66-10.

Sportall.Ge

ლიგა 1: "სენტ ეტიენის" სენი
* ლიგა 1-ის ლიდერი სამი გუნდის მწვრთნელები უცხოელები არიან.

* "მარსელს" ფრანგული კლასიკისას პსჟ-ის კარისკენ ერთხელაც კი არ დაურტყამს. ასეთი რამ ლიგა 1-ის გუნდს ბოლოს 10 წლის წინათ შეემთხვა.

* ჰაბიბ დიალომ მოედანზე შემოსვლიდან 21 წამში გაიტანა. უკანასკნელ 3 სეზონში ეს უსწრაფესი გოლია შეცვლაზე შესული ფეხბურთელისთვის.

* ბოლო 16 ტურია, "სენტ ეტიენს" პირველ ტაიმში ვერ გააქვს გოლი.

ყოველდღიური სპორტული გაზეთი "ლელო"
მკითხველის კომენტარები / 0 /
კომენტარი ჯერ არ გაკეთებულა.

სიახლეები პოპულარული