სატრანსფერო სიახლეები
არქივის კალენდარი
ყატარი მსოფლიოს ჩემპიონატისთვის 200 მილიარდ დოლარს დახარჯავს!
AutoSharing Option
11:56 10-02-2017
ყატარის ფინანსთა მინისტრმა ალი შარიფ ალ-ემადიმ იმაზე ისაუბრა, თუ რა ხარჯებს განიცდის სახელმწიფოს ბიუჯეტი ყოველკვირეულად მუნდიალი 2022-ის მომზადებისთვის.

აღსანიშნავია, რომ მსოფლიოს ჩემპიონატის მზადებისთვის დაახლოებით 200 მილიარდი დოლარი დაიხარჯება.

"ყოველკვირეულად 500 მილიონ დოლარს ვხარჯავთ კაპიტალური პროექტებისთვის და ასე გაგრძელდება უახლოესი 3-4 წლის განმავლობაში. მიზანი კი ის არის, რომ მოვამზადოთ ქვეყანა 2022 წლის მსოფლიოს ჩემპიონატისთვის.

საუბარი არ არის მხოლოდ სტადიონებზე, არამედ საავტომობილო და სარკინიგზო გზებზე, საზღვაო პორტებზე, აეროპორტებსა და საავადმყოფოებზე.

ჩვენი მსოფლიოს ჩემპიონატი ისტორიაში ყველაზე ძვირი იქნება? არა, ჩვენ ხომ 200 მილიარდს ქვეყანაში ინფრასტრუქტურაზე ვხარჯავთ და არა მსოფლიოს ჩემპიონატის ორგანიზებაზე", - აღნიშნა ფინანსთა მინისტრმა.

შედარებისთვის, რუსეთი მსოფლიოს 2018 წლის ჩემპიონატის მისაღებად დაახლოებით 18 მილიარდ დოლარამდე დახარჯავს, ხოლო ბრაზილიაში მუნდიალისთვის დაახლოებით 11 მილიარდ დოლარამდე დახარჯეს.

მომზადებულია iol.co.za-ს მიხედვით
გუკა
02:45 11-02-2017
svan. არ გამოგივიდა ხმრობა. ეცადე მაგრამ არ გამოგივიდა
svan
15:07 10-02-2017
ხოდა ჩვენც შევიტანოთ განაცხადი რაც გვაქ ბიუჯეტში ის დავხარჯოთ! კი გასაგებია ბევრი სხვა საქმისთვის იყენებენ ამ ბიუჯეტს მაგრამ შემოსავალი მეტი იქნება მიდით გამოიტანეთ ის ლარი და ოცი თეთრი რომ გაქვთ შენახული და დაუდეთ ფიფას მაგიდაზე