იტალიელმა პოლიციელებმა გარიგებული მატჩების ორგანიზებაში "მილანის" ყოფილი ფეხბურთელის, ჯენარო გატუზოს შესაძლო მონაწილეობის შესახებ მტკიცებულებები იპოვეს.Corriere dello Sport-ის ინფორმაციით, ეჭვის ქვეშ გასული სეზონის 4 მატჩი მოხვდა. პოლიცია "პალერმო"-"ბოლონიას", "პესკარა"-"სიენას", "პალერმო"-"ინტერის" და "პარმა"-"ატალანტას" შედეგების სამართლიანობას ამოწმებს.
გამოძიება კი პოლიციამ "კიევო"-"მილანის" მატჩიდან დაიწყო, რომელიც 2011 წელს ჩატარდა და მასში გატუზოა ეჭვმიტანილი.
პოლიციამ გარიგებული მატჩების საქმეზე ერთ-ერთ დაკავებულთან 35 წლის გატუზოს კავშირი დაადგინა.
პოლიციამ ეჭვმიტანილების სატელეფონო ზარები გამოიძია, რომელიც მატჩის წინ გაკეთდა.
ასევე იხილეთ:
სკანდალი იტალიაში: გატუზოს სახლი გაჩხრიკეს, ორი ფეხბურთელი უკვე დაკავებულია
