* მილანის "ინტერმა" ზედიზედ ხუთ მატჩში იმარჯვა.* დრის მერტენსმა "ნაპოლის" მაისურით 50-ე გოლი გაიტანა.
* "რომამ" ამ სეზონში 10 პენალტი დაარტყა, ყველაზე მეტი ევროპის ტოპ-5 ლიგაში.
სერია A-ს მე-20 ტურის ცენტრალური მატჩი კვირას, გვიან ღამით გაიმართა, რომელშიც "ფიორენტინა" და "იუვენტუსი" დაუპირისპირდნენ ერთმანეთს.
იხილეთ ვიდეო
დღეს კიდევ ერთი საინტერესო ჯახია "ტორინოს" და "მილანის" მონაწილეობით. ამ მატჩებზე მომდევნო ნომერში უფრო ვრცლად ვისაუბრებთ, დანარჩენზე კი ქვემოთ...
"ინტერმა" აიწყვიტა
"ინტერმა" ბოლო 7 თამაშში მე-6 მოიგო და მორიგი სამი ქულა ჩაიწერა აქტივში. მილანურ გრანდს კერკეტი მეორე ნახევარში მილანელთა უპირატესობა კიდევ უფრო გაიზარდა, სტეფანო პიოლიმ შეტევა შეცვლებით გააძლიერა და ამ ყველაფერმა თავისი შედეგი გამოიღო - მატჩის 69-ე წუთი მიმდინარეობდა, როდესაც ფლანგიდან ჩაწოდებულ ბურთს მაურო იკარდიმ შეუცვალა მიმართულება და ბადეში გაახვია, 1:1. მატჩის დასრულებამდე ორიოდე წუთი რჩებოდა, როდესაც მილანელებმა მეტოქე მცველის უხეში შეცდომით ისარგებლეს, ივან პერიშიჩმა კი საშუალო დისტანციიდან ბურთი ბადეში გაახვია, 2:1. მსაჯის მიერ კომპენსირებულ დროში მარტინს ედერმაც იხეირა და მატჩის საბოლოო ანგარიში დააფიქსირა, 3:1.
მატჩის შემდეგ "ინტერის" მთავარმა მწვრთნელმა სტეფანო პიოლიმ ვრცელი კომენტარი გააკეთა:
"ეს იყო შესანიშნავი მატჩი, რომელშიც უფრო ძლიერმა გაიმარჯვა. მთელი შეხვედრის განმავლობაში კარგად ვმოქმედებდით და სამი ქულა დავიმსახურეთ. მართალია, დამაგვირგვინებელ ფაზაში მეტი სიზუსტე გვმართებს, მაგრამ ამის წინასწარ დაგეგმვა შეუძლებელია და ამიტომ შეგირდების გაკრიტიკებას არ ვაპირებ. მთავარია, რომ გუნდი ერთ მუშტადაა შეკრული და თითოეულმა ფეხბურთელმა იცის, თუ რა უნდა აკეთოს მოედანზე. "ინტერში" ბევრი უმაღლესი კლასის ფეხბურთელია და მათ ნებისმიერი მატჩის მოგება შეუძლიათ. მიყვარს ფეხბურთელებთან საუბარი, მათი აზრების მოსმენა და გათვალისწინება, რადგან ეს ხელს უწყობს გუნდში ვითარების გაჯანსაღებას. ჩვენ დიდ გუნდს ვაშენებთ და პირველი შედეგები უკვე სახეზეა".
იხილეთ ვიდეო
"ლაციომ" "ატალანტასაც" მოუგო
მიმდინარე სეზონში, "ლაციო" შესანიშნავად ასპარეზობს და მეოთხე ადგილზეა გამაგრებული სატურნირო ცხრილში. სიმონე ინძაგის შეგირდებმა ამჯერად "ატალანტას" უმასპინძლეს, გუნდს, რომელიც თავის მხრივ, ევროსაგზურისთვის იბრძვის.პირველი ტაიმის შუაწელს ანგარიში სტუმრებმა გახსნეს, თუმცა ანტრაქტამდე ერთი წუთით ადრე რომაელებმა სტატუს-კვო აღადგინეს. მეორე ტაიმი მასპინძელთა უპირატესობით წარიმართა, რაც ჩირო იმობილეს ლოგიკურ გოლში აისახა. "ლაციომ" უკეთესი თამაში აჩვენა, დამსახურებულად მოიგო და განაგრძობს ბრძოლას ჩემპიონთა ლიგის საგზურისთვის.
უპრობლემოდ...
"ნაპოლიმ" ჩემპიონატის აუტსაიდერი "პესკარა" მიიღო და განსაკუთრებული პრობლემების გარეშე გაიმარჯვა. მაურიციო სარის შეგირდებმა სამი გოლი გაუტანეს მეტოქეს, რომელთაგან თითო ლორენცო ტონელის, მარეკ ჰამშიკის და დრის მერტენსის ანგარიშზეა. ამ უკანასკნელმა მე-12 გოლი შეაგდო მიმდინარე სეზონში და განაგრძობს ბრძოლას ბომბარდირთა დავაში, აი, ტონელიმ კი მეორე მატჩი გამართა "ნაპოლის" მაისურით და მეორე გოლი გაიტანა. საგულისხმოა, რომ ლორენცო ცენტრალური მცველია და გოლების გატანა მისი უშუალო მოვალეობა არაა."ნაპოლიმ" კარგი ტემპი აკრიფა და ჩემპიონთა ლიგის საგზურს უმიზნებს, თუმცა ვინ იცის, იქნებ "იუვენტუსსაც" გაუწიოს კონკურენცია - ჯერჯერობით, სარი სკუდეტოზე არც კი ფიქრობს: "ეს იყო მნიშვნელოვანი გამარჯვება გუნდთან, რომელსაც დასაკარგი არაფერი აქვს და თითოეულ შეხვედრაში ბოლომდე იბრძვის.
ცუდი სტარტის შემდეგ გამოვასწორეთ მდგომარეობა და სამეულში დავმკვიდრდით. სკუდეტო? - ამაზე არც კი ვფიქრობ, ჩემპიონთა ლიგის საგზური კი ნამდვილად ჩვენი მიზანია, რომლის მისაღწევადაც ყველაფერს გავაკეთებთ".
იხილეთ ვიდეო
"რომა" "იუვეს" მისდევს
ბოლო მატჩებში "რომა" სტაბილურად კარგად ასპარეზობს და ქულებსაც აგროვებს. ამჯერად, დედაქალაქელები "უდინეზეს" ესტუმრნენ და ერთადერთი გოლის წყალობით სძლიეს მეტოქეს. მატჩის გმირი რაჯა ნაინგოლანია, რომელმაც შეხვედრის სტარტზე იხეირა. აღსანიშნავია,, რომ "რომას" კიდევ არაერთი გოლის გატანა შეეძლო, ყველაზე რეალური შანსი კი ედინ ჯეკომ გაატანა ქარს, როდესაც თერთმეტმეტრიანი გააფუჭა.იხილეთ ვიდეო
"რომამ" 44 ქულას მოუყარა თავი, მეორე ადგილზეა სატურნირო ცხრილში და ყველაზე ახლოსაა ლიდერთან. უდინეში გამარჯვების შემდეგ ლუჩანო სპალეტიმ ვრცელი კომენტარი გააკეთა:
"მეტოქემ დიდი წინააღმდეგობა გაგვიწია და შეეძლო ქულის აღება. უდინეში მოგება ყოველთვის რთულია და გამონაკლისი არც დღევანდელი შეხვედრა იყო. ბოლო მატჩებში საუკეთესო შთაბეჭდილება ვერ დავტოვეთ, მაგრამ ქულებს ვაგროვებთ, ეს კი მთავარია. ჯობია, ორი თამაში მინიმალური სხვაობით მოიგო, ვიდრე ერთში გაანადგურო მეტოქე და შემდეგ დამარცხდე. სატურნირო ცხრილის ზედა ნაწილში დიდი კონკურენციაა და კარგად გვესმის, რომ შეცდომის უფლება არ გვაქვს. ერთი წაფორხილება და შესაძლოა, ხუთეულს მიღმა აღმოჩნდე. "სკუდეტოზე" არ ვფიქრობთ, ჩვენი მიზანი ყოველი კონკრეტული თამაშის მოგებაა, დანარჩენს კი დრო გვიჩვენებს".
XX ტური
კროტონე-ბოლონია 0:1
გოლი: 0:1 ჯემაილი (56)
კროტონე (4-4-2): კორდაცი - როზი, ჩეკერინი, ფერარი, მარტელა - როდენი (77. ნვანკვო), კრიზეტიგი, კაპეცი (57. ნალინი), პალადინო - ფალჩინელი, ტროტა (64. გაორე)
ბოლონია (4-3-3): მირანტე - ტოროსიდისი (29. კრაფტი), გასტალდელო (42. ოიკონომო), მაიეტა, მაზინა - ნაგი, ვივიანი (83. პულგარი), ჯემაილი - კრეიჩი, დი ფრანჩესკო, დესტრო
გაფრთხილება: 2-4; კუთხური: 6-5; ჯარიმა: 13-12; თამაშგარე: 2-2; კარში დარტყმა: 9-8 (4-6); ბურთის ფლობა: 50%-50%; მაყურებელი: 5 000
ინტერი-კიევო 3:1
გოლები: 0:1 პელისიერი (34), 1:1 იკარდი (69), 2:1 პერიშიჩი (89), 3:1 ედერი (90)
ინტერი (4-2-3-1): ჰანდანოვიჩი - დამბროზიო, მურილიო, მირანდა, ანსალდი (60. ედერი) - კონდოგბია, გალიარდინი - კანდრევა (82. პალასიო), ჟოაო მარიო (70. ბანეგა), პერიშიჩი - იკარდი
კიევო (4-3-1-2): სორენტინო - ფრეი (60. სპოლი), გამბერინი, დაინელი, გობი - კასტრო (73. დე გუზმანი), რადოვანოვიჩი, ბასტიენი - ბირსა (46. იძო) - მეჯორინი, პელისიერი
გაფრთხილება: 0-3; კუთხური: 12-2; ჯარიმა: 10-16; თამაშგარე: 0-2; კარში დარტყმა: 26-4 (15-4); ბურთის ფლობა: 67%-33%; მაყურებელი: 45 000
კალიარი-ჯენოა 4:1
გოლები: 0:1 სიმეონე (28), 1:1 ბორიელო (41), 2:1 ჟოაო პედრო (44), 3:1 ბორიელო (60), 4:1 ფარიასი (64-პენ.)
კალიარი (4-3-1-2): რაფაელი - ისლა, ჩეპიტელი, კაპუანო, მურუ - დესენა, პანაიოტისი, ბარელა (83. მუნარი) - ჟოაო პედრო (81. სალამონი) - ფარიასი (75. საუ), ბორიელო
ჯენოა (3-4-2-1): ლამანა - იძო, ბურდისო, მუნიოსი - ედენილსონი, კატალდი, კოფიე (58. ნინკოვიჩი), ლაქსალტი (75. ლაზოვიჩი) - ოკამპოსი (65. პინილია), რიგონი - სომეონე
გაძევება: კაპუანო (78. კალიარი)
გაფრთხილება: 4-2; კუთხური: 3-14; ჯარიმა: 8-13; თამაშგარე: 1-0; კარში დარტყმა: 16-9 (11-4); ბურთის ფლობა: 44%-56%; მაყურებელი: 10 000
ლაციო-ატალანტა 2:1
გოლები: 0:1 პეტანია (21), 1:1 სავიცი (45), 2:1 იმობილე (68-პენ.)
ლაციო (3-4-3): მარკეტი - ბასტოსი, დე ვრი, რადუ - ანდერსონი (82. ვოლასი), პაროლო, ბილია, ლულიჩი - სავიჩი, ალბერტო (55. პატრიჩი), იმობილე (86. ჯორჯევიჩი)
ატალანტა (3-4-1-2): ბერიშა - კალდარა, ზუკანოვიჩი (78. დალესანდრო), მაზიელო - კონტი, კონკო (48. გრასი), ფრეულერი, სპინაცოლა - კურტიჩი (74. პალოსკი) - გომესი, პეტუნია
გაფრთხილება: 5-2; კუთხური: 6-3; ჯარიმა: 15-19; თამაშგარე: 0-1; კარში დარტყმა: 15-7 (5-3); ბურთის ფლობა: 52%-48%; მაყურებელი: 30 000
ნაპოლი-პესკარა 3:1
გოლები: 1:0 ტონელი (47), 2:0 ჰამშიკი (49), 3:0 მერტენსი (85), 3:1 კაპრარი (90-პენ.)
ნაპოლი (4-3-3): რეინა - ჰიუსაი, ტონელი, ალბიოლი, სტრინიჩი (86. მაჯო) - ზელინსკი (65. ალანი), ჟორჟინიო, ჰამშიკი - კალეხონი, ინსინიე (80. ჯაკერინი), მერტენსი
პესკარა (3-5-2): ბიძარი - კრეშენცი, ზუპარიჩი, კოდა - ბენალი, Bრუნო (64. ფორნაზიერი), კრისტანტე, მემუშა, ვერე (70. ჩერი) - კაპრარი, ჯილარდინო (70. მიტრიტა)
გაფრთხილება: 1-3; კუთხური: 6-2; ჯარიმა: 10-13; თამაშგარე: 3-5; კარში დარტყმა: 21-6 (8-2); ბურთის ფლობა: 63%-37%; მაყურებელი: 40 000
სამპდორია-ემპოლი 0:0
სამპდორია (4-3-1-2): პუჯონი - პერეირა, პალომბო, შკრინიარი, რეჯინი - ლინეტი, ტორეირა, პრაეტი (68. ფერნანდესი) - ალვარესი (81. ჯურიჩი) - შჩიკი, მურიელი (85. კვალიარელა)
ემპოლი (4-3-1-2): სკორუპსკი - ლაურინი, ბელუში, კოშიჩი (56. კოსტა), პასკუალი - კრუნიჩი (90. ტელიო), ელ ჰაჯი, კროჩე - საპონარა - მჭედლიძე, მარილუნგო (65. პუჩარელი)
გამოუყენებელი პენალტი: მჭედლიძე (31)
გაფრთხილება: 3-3; კუთხური: 6-8; ჯარიმა: 8-9; თამაშგარე: 3-6; კარში დარტყმა: 14-10 (4-2); ბურთის ფლობა: 57%-43%; მაყურებელი: 20 000
სასუოლო-პალერმო 4:1
გოლები: 0:1 კუაიზონი (9), 1:1 მატრი (15), 2:1 რაგუზა (24), 3:1 მატრი (66), 4:1 პოლიტანო (83)
სასუოლო (4-2-3-1): კონსილი - ლიროლა, ლეტშერტი, აჩერბი, პელუზო - აკვილანი, მაციტელი - ბერარდი (77. პოლიტანო), რაგუზა, რიჩი (65. დეფრელი) - მატრი (82. დუნკანი)
პალერმო (3-4-2-1): პოსავეცი - ვიტიელო (46. მორგანელა), გოლდანიგა, გონსალესი - რისპოლი, ენრიკე, პეცელა, მატო - ემბალო (61. დიამანტი), კუაიზონი (78. ბალოგი) - ნესტეროვსკი
გაფრთხილება: 2-2; კუთხური: 8-3; ჯარიმა: 14-10; თამაშგარე: 1-6; კარში დარტყმა: 13-11 (8-3); ბურთის ფლობა: 54%-46%; მაყურებელი: 12 000
უდინეზე-რომა 0:1
გოლი: 0:1 ნაინგოლანი (12)
უდინეზე (4-3-3): კარნეზისი - ფარაონი, დანილო, ფელიპე, სამირი - ფოფანა, კუმსი (74. ევანდრო), იანკტო (52. პერიცა) - დე პაული, ტერო, საპატა (69. ალფრედსონი)
რომა (3-4-2-1): სჩესნი - მანოლასი, ჟუანი, ფაციო - პერესი, პარედესი, სტროტმანი, ემერსონი - ნაინგოლანი, ელ შაარავი (73. ტოტი) - ჯეკო
გაფრთხილება: 2-1; კუთხური: 4-7; ჯარიმა: 16-16; თამაშგარე: 0-3; კარში დარტყმა: 6-14 (5-7); ბურთის ფლობა: 48%-52%; მაყურებელი: 20 000
ფიორენტინა-იუვენტუსი 2:1
გოლები: 1:0 კალინიჩი (37), 2:0 ბადელი (55), 2:1 იგუაინი (58)
ფიორენტინა (3-5-1-1): ტატარუშანუ - სანჩესი, გონსალო, ასტორი - კიეზა (81. ტელიო), ბადელი, ვესინო, ბორხა ვალერო (85. ტელიო), ოლივერა - ბერნარდესკი (76. კრისტოფორო) - კალინიჩი
იუვენტუსი (3-5-2): ბუფონი - ბარძალი (79. მანჯუკიჩი), ბონუჩი, კიელინი - კუადრადო, ხედირა, მარკიზიო (77. რინკონი), სტურარო (61. პიაცა), სანდრო - დიბალა, იგუაინი
გაფრთხილება: 3-5; კუთხური: 3-7; ჯარიმა: 20-20; თამაშგარე: 2-3; კარში დარტყმა: 13-7 (6-4); ბურთის ფლობა: 47%-53%; მაყურებელი: 28 000
16 იანვარი
ტორინო-მილანი 23:45
ბომბარდირები:
15 მაურო იკარდი (ინტერი)
13 ანდრეა ბელოტი (ტორინო)
ედინ ჯეკო (რომა)
გონსალო იგუაინი (იუვენტუსი)
12 დრის მერტენსი (ნაპოლი).
მომდევნო ტური
21 იანვარი:
კიევო-ფიორენტინა, მილანი-ნაპოლი;
22 იანვარი:
იუვენტუსი-ლაციო, ჯენოა-კროტონე, პალერმო-ინტერი, პესკარა-სასუოლო, ბოლონია-ტორინო, ემპოლი-უდინეზე, ატალანტა-სამპდორია, რომა-კალიარი.
ყოველდღიური სპორტული გაზეთი "ლელო"
