"საბურთალო 1"-მა დანიის საერთაშორისო ტურნირზე ბრინჯაოს თასი მოიპოვა!

რამდენიმე დღის წინ დანიაში მიმდინარე საერთაშორისო საფეხბურთო ტურნირზე, "დანა ქაფზე" საქართველოს უნივერსიტეტი" (მწვრთნელი ზაზა დიდებაშვილი) ჯგუფის მესამე თამაშში ნორვეგიულ "რინსკას" შეხვდა და ანგარიშით 1:2 დამარცხდა. სამწუხაროდ, ქართველებს გიორგი თიგიშვილის ლამაზი გოლი არ ეყოთ.

პლეი ოფში ისევ ნორვეგიულ "ნორდენთან" გიორგი თიგიშვილმა ორი ლამაზი პასით ბადრი სამსონიას გაატანინა, მესამე ირაკლი ზარიძის პასით მირიან ელიაშვილმა შეაგდო - 3:0.

მერვედფინალში კი უკვე ნორვეგიულმა "ვინემ" იძალა - თიგიშვილის ლამაზი გოლი ქართველებს ოდენ საპრესტიჟოდ ეყოთ - 1:2.

"საბურთალოს" მეორე გუნდის (რომელსაც გიორგი გეგუჩაძე წვრთნის) წინა ორი თამაშების მოგება შეგატყობინეთ. მესამე მატჩი თაზო სახვაძის დუბლით 2:1 მოიგეს ნორვეგიულ "სელბორნთან" და ჯგუფში პირველ ადგილზე გავიდნენ, 1/32-ფინალში ისევ ნორვეგიულ "მადლასთან" 5:4 პენალტებით მოიგეს, მერე მათ თანამემამულე "სანდნესტსი" სძლიეს - 1:0.

აქ მძიმე ტრავმა მიიღო გურამ კაშიამ, რამაც დამთრგუნველად იმოქმედა გუნდზე და მერვედფინალში ასევე ნორვეგიულ "ჰინასთან" 0:4 წააგეს და გათამაშებას გამოეთიშნენ.

სამაგიეროდ, წარმატებით ითამაშა დანიაში "საბურთალო 1"-მა და 200 გუნდში ბრინჯაოს თასი და მედლები დაისაკუთრა!

ეს მას შემდეგ მოხდა, რაც ვოვა მუსერიძის გაწვრთნილებმა ჯგუფში სამივე თამაში მოიგეს ნორვეგიულ გუნდებთან: "ტროტთან" 10:0, "ფალკეიდთან" 9:0 და "ჰანკამთან" 4:0 და ბურთების რეკორდული შეფარდებით, 23-0 ჯგუფში პირველ ადგილი დაიკავეს. 

შემდეგ კი 1/32-ფინალში 5:0 მოუგეს ისევ ნორვეგიულ "ჰინას", მერე პენალტებით ასევე ნორვეგიულ "სკანდსმოს" - 6:5, მერვედფინალში "ჰოლმენს" გადაუარეს - 3:0 (გოშთელიანი, ხვედელიძე, უთმელიძე), მეოთხედფინალში "ასკიმს" - 2:1 (უთმელიძე, ხვისტანი) და ფინალში გასასვლელ, რიგით მერვე მატჩში იორდანიის ნაკრებთან პენალტიდან გაშვებული გოლით დამარცხდნენ - 0:1.

რვა მატჩში ბიჭებმა 34 გოლი გაიტანეს და მცირედი დააკლდათ ფინალამდე.

აღსანიშნავია, რომ ქართულ გუნდებს გულშემატკივრობდნენ დანიაში მცხოვრები ქართველი ბავშვები.

კოტე რუხაძე დანიიდან