კონკურსი დაიწყო - ბათუმის სტადიონის მშენებლობას ერთმანეთს 12 კომპანია ეცილება

AutoSharing Option
ბათუმის "დინამო" ევროთასებზე გასვლას ცდილობს, თუმცა ფეხბურთელებს ურთულეს პირობებში უწევთ მომზადება, რადგან კლუბს ინფრასტრუქტურა არ აბადია. ამის გამო ერთ-ერთი უძველესი ქართული გუნდი ქობულეთის "ჩელე-არენაზე" ვარჯიშობს და თამაშობს.

ბათუმის "დინამოს" გენერალურმა დირექტორმა ოთარ ფედიჩკინმა გაგვიმხილა, რომ ახალი არენის მაკეტს 12 მარტს დაამტკიცებენ, შემდეგ პროექტსაც დაამუშავებენ და აგვისტოში მშენებლობა დაიწყება. წესით, ბათუმის "დინამო" საკუთარ ქალაქში ორ წელიწადში უნდა დაბრუნდეს.

5 მარტს უფრო კონკრეტული ინფორმაციაც გავრცელდა. ბათუმის ოლიმპიური სტადიონის პროექტების წარდგენა დასრულდა და გაირკვა, რომ არენის მშენებლობას ერთმანეთს 12 კომპანია ეცილება. მათ შორის
ექვსი - ქართულია, ხოლო დანარჩენი - უცხოურები (ესპანური, ბერძნული, პოლონური, თურქული, უკრაინული და იტალიური).

პროექტებს ჯერ საჯარო განხილვისთვის წარადგენენ, რის შემდეგაც მათზე კომისია იმსჯელებს. კომისია სამთავრობო სექტორის წარმომადგენლებისა და სპეციალისტებისგან დაკომპლექტდება.

ცნობილია მოთხოვნებიც: სტადიონი 20 ათას მაყურებელზე უნდა იყოს გათვლილი და უეფას და ფიფას სტანდარტებს აკმაყოფილებდეს, პროექტირების ღირებულება კი 650 ათას ლარს არ უნდა აღემატებოდეს.

(იბეჭდება მცირე ცვლილებით)
ყოველდღიური სპორტული გაზეთი "ლელო"
მკითხველის კომენტარები / 7 /
ანუ დაპროექტების სამუშაოები თორემ 650 ათას ლარად 3 ათას პლასმასის სკამს თუ შემოუწყობენ რამე მოედანს თორემ სხვა არაფერი არ გამოვა :)
barateli1980
19:27 06-03-2015
0
მარტო პროექტზეა მეგობრებო საუბარი
barateli1980
19:25 06-03-2015
0

სიახლეები პოპულარული