ვიტალი დარასელიას თასი: თბილისის "დინამო" "გენტით" იწყებს

დღეს, 20 აპრილს, თბილისში ვიტალი დარასელიას სახელობის რიგით II საერთაშორისო ტურნირი დაიწყება, რომელშიც თბილისის "დინამოსთან" ერთად, მილანის "ინტერის", "გენტის", "ალკმაარის", "ტრაბზონსფორის", კიევის "დინამოს", ზაგრების "დინამოსა" და "გაბალას" 17-წლამდელთა გუნდები ითამაშებენ.

ტურნირის გახსნის საზეიმო ცერემონიალი ვიტალი დარასელიას სახელობის დინამოს აკადემიაში 12:00 სთ-ზე გაიმართება, მოგვიანებით კი ჯგუფური ეტაპის პირველი ტურის შეხვედრები ჩატარდება.

14:00 სთ-ზე თბილისის "დინამოსა" და ბელგიური "გენტის" შეხვედრა დაიწყება, "ინტერი" "გაბალას" ეთამაშება (16:00), "აკლმაარი" - კიევის "დინამოს" (18:00), ხოლო ზაგრების "დინამო" - "ტრაბზონსფორს" (20:00).

წლევანდელი ტურნირის ყველა მატჩი, ფინალის გარდა, "დინამოს" აკადემიის სტადიონებზე გაიმართება, ფინალური შეხვედრა კი 25 აპრილს "დინამო არენაზე" შედგება.

- ვიტალი დარასელიას სახელობის ტურნირი: ნახე ევროპული ფეხბურთის მომავალი! [VIDEO]

ტურნირზე მონაწილე თბილისის "დინამოს" 17-წლამდელთა გუნდის შემადგენლობა:
გიორგი მამარდაშვილი, ლუკა კუტალაძე, ლუკა ხარშილაძე, ბექა ხარშილაძე, ვანო გულხადარაშვილი, ზურაბ ჭავჭანიძე, სანდრო მელიქიშვილი, ლევან ხარაბაძე, ირაკლი წაქაძე, ბექა დარცმელია, ანზორ მექვაბიშვილი, ხვიჩა კვარაცხელია, ვახტანგ ჩარკვიანი, ზურაბ დავითაშვილი, გიორგი მოისწრაფიშვილი, ოთარ ფარულავა, ელგუჯა ჯანგველაძე, გიორგი იაკობიძე, თამაზ ბაბუნაძე, გიორგი ლომთაძე, ირაკლი აზაროვი, თორნიკე ჯანგიძე. გუნდის მთავარი მწვრთნელია ვლადიმერ გოჩაშვილი.

ტურნირის განრიგი
A ჯგუფი
დინამო (თბილისი, საქართველო)
ინტერი (მილანი, იტალია)
გაბალა (აზერბაიჯანი)
გენტი (ბელგია)

B ჯგუფი
ალკმაარი (ჰოლანდია)
დინამო (ზაგრები, ხორვატია)
ტრაბზონსფორი (თურქეთი)
დინამო (კიევი, უკრაინა)

ჯგუფური ეტაპი
20 აპრილი
დინამო (თბ)-გენტი 14:00
ინტერი-გაბალა 16:00
ალკმაარი-დინამო (კ) 18:00
დინამო (ზ)-ტრაბზონსფორი 20:00

21 აპრილი
ტრაბზონსფორი-ალკმაარი 12:00
დინამო (კ)-დინამო (ზ) 14:00
გაბალა-დინამო (თბ) 16:00
გენტი-ინტერი 18:00

22 აპრილი
გაბალა-გენტი 12:00
დინამო (თბ)-ინტერი 14:00
ალკმაარი-დინამო (ზ) 16:00
დინამო (კ)-ტრაბზონსფორი 18:00

ნახევარფინალები
24 აპრილი
A1-B2 16:00
B1-A2 18:00

დასკვნითი დღე
25 აპრილი
მატჩი VII ადგილისთვის 10:00
მატჩი V ადგილისთვის 12:00
მატჩი III ადგილისთვის 14:00
ფინალი. 16:00.