9 დეკემბერს პოლონეთის ჩემპიონატში მე-19 ტურის შეხვედრა გაიმართა, რომელშიც საქართველოს ნაკრების მცველის ლაშა დვალის გუნდი ვროცლავის "შლიონსკი" სტუმრად გდანსკში "ლეხიასთან" უშანსოდ დამარცხდა - 0:3.ახალგაზრდა ქართველმა მცველმა სტუმართა რიგებში შეუცვლელად ითამაშა.
"შლიონსკს" 22 ქულა აქვს და პოლონეთის ჩემპიონატის სატურნირო ცხრილში მე-11 ადგილზე რჩება.
რაც შეეხება პოლონეთის ჩემპიონატში მოთამაშე სხვა ქართველი ლეგიონერების გუნდებს, დღეს, 10 დეკემბერს, ნიკა ძალამიძის "ლენჩნა" "ნეჩეცას" უმასპინძლებს, ხოლო გიორგი მერებაშვილის "ვისლა პლოცკი" "რუხს" მიიღებს. კვირას ვაკო ყაზაიშვილის გუნდი "ლეგია" "პიასტს" ესტუმრება.
![ყაზაიშვილის 2 საგოლე პასი - მისი გუნდი აზიის ჩემპიონთა ლიგის 1/4-ფინალში გავიდა [VIDEO]](/pictures/image7/ee330124588ac529496941a9f620742c.jpg "ყაზაიშვილის 2 საგოლე პასი - მისი გუნდი აზიის ჩემპიონთა ლიგის 1/4-ფინალში გავიდა [VIDEO]")
