26 ოქტომბერს საქართველოს ეროვნული ნაკრების ფორვარდმა გიორგი ქვილითაიამ ვენის "რაპიდის" შემადგენლობაში სადებიუტო გოლი გაიტანა."რაპიდი" თასის 1/8-ფინალში "ლინცს" ესტუმრა და ანგარიშით 4:0 გაანადგურა.
ქვილითაიამ, რომელიც მეორედ მოხვდა "რაპიდის" სასტარტო შემადგენლობაში, თავი მატჩის 33-ე წუთზე გამოიჩინა. მანამდე კი, პირველი გოლის დროს ქვილითაიამ საგოლე გადაცემა მიითვალა. ქართველმა ფორვარდმა შეხვედრა შეუცვლელად ჩაატარა.
