"რეიმსი" ჯაბა კანკავას ყიდის და ალმათის "ქაირათი" ყიდულობს?

ცნობილი გახდა, რომ ჯაბა კანკავას შეძენით ალმათის "ქაირათია" დაინტერესებული, რომელსაც კახა ცხადაძე წვრთნის, მაგრამ ცოტა რთული წარმოსადგენია, ეს ტრანსფერი შედგეს, რადგან საქართველოს ნაკრების კაპიტანს გაცილებით ძლიერ გუნდში თამაშის ამბიცია უნდა ჰქონდეს.

ფრანგული "რეიმსის" პრეზიდენტმა ჟან-პიერ კაიომ კი კიდევ ერთხელ დაადასტურა, რომ ზაფხულში "რეიმსი", რომელიც ლიგა 2-ში გავარდა, აუცილებლად გაყიდის საქართველოს ნაკრების 30 წლის კაპიტანს:

"დიახ, გადაწყვეტილია, რომ ჯაბა კანკავას გავყიდით. ეს იძულებითი ნაბიჯია", - თქვა პრეზიდენტმა.

შეგახსენებთ, რომ კანკავა "რეიმსში" უკრაინული "დნიპროდან" მივიდა. უკრაინულ კლუბთან ერთად მან შარშან ევროპალიგის ფინალურ შეხვედრაში მიიღო მონაწილეობა.

(იბეჭდება მცირე ცვლილებით)
ყოველდღიური სპორტული გაზეთი "ლელო"