ევროპის ლიგის 1/16-ფინალურ შეხვედრაში, სადაც ერთმანეთს დონეცკის "შახტარი" და გელზენკირხენის "შალკე" დაუპირისპირდებიან, ტრავმის გამო უკრაინულ გუნდს რამდენიმე ფეხბურთელი ვერ დაეხმარება - მარსიო აზევედო, ბერნარდი და დენტინიო. ვერ ითამაშებს ასევე ფრედი, გიორგი არაბიძის თამაში კი ჯერაც კითხვის ნიშნის ქვეშ დგას.ამასთან დაკავშირებით "შახტარის" მთავარმა მწვრთნელმა მირჩა ლუჩესკუმ ისაუბრა.
"სამწუხაროდ, ბევრი ტრავმირებული გვყავს, მაგრამ ეს მხოლოდ და მხოლოდ მათი ბრალია. დასვენების პერიოდში ფორმის შენარჩუნებაზე არ იზრუნეს, ამიტომ შეკრებაზე მოუმზადებლები იყვნენ. ახლა ველოდებით, როდის აღიდგენენ კონდიციებს. საუბარი მაქვს ბერნარდზე, აზევედოზე, დენტინიოსა და არაბიძეზე.
იმედია, ტრავმირებულები გუნდს მალე დაუბრუნდებიან", - განაცხადა ლუჩესკუმ.
"შახტარის" და "შალკეს" დაპირისპირება 19 თებერვალს გაიმართება.
!["მე არაბიძეს გამოვიძახებდი! ვიღაც საუბრობს, რომ ცუდი ხასიათი ჰქონდა, მაგრამ..." - ჩხეტიანი სანიოლის გადაწყვეტილებასა და "ტორპედოს" ფეხბურთელზე საუბრობს [VIDEO]](/pictures/image7/cc879bbbba4eda5e48fc73622de0bb73.jpg "\"მე არაბიძეს გამოვიძახებდი! ვიღაც საუბრობს, რომ ცუდი ხასიათი ჰქონდა, მაგრამ...\" - ჩხეტიანი სანიოლის გადაწყვეტილებასა და \"ტორპედოს\" ფეხბურთელზე საუბრობს [VIDEO]")
!["ტორპედომ" "დილა" არაბიძის საოცარი გოლით დაამარცხა [VIDEO]](/pictures/image7/26d105b9f4c23240dedb082a9d9a7101.png "\"ტორპედომ\" \"დილა\" არაბიძის საოცარი გოლით დაამარცხა [VIDEO]")
