ჩინური "გუანჯოუ" ზამთრის სატრანსფერო ფანჯრის პერიოდში არნემის "ვიტესის" ქართველი ნახევარმცველის, ვაკო ყაზაიშვილის შეძენას ეცდება.როგორც ჰოლანდიური voetbalzone.nl-ი Sport TV-ზე დაყრდნობით წერს, ჩინური გუნდი ყაზაიშვილის თაობაზე უახლოეს დღეებში "ვიტესისთვის" ოფიციალური შეთავაზების გაკეთებას გეგმავს, თუმცა ნაკლებად სავარაუდოა, რომ არნემელები გუნდის ერთ-ერთი ლიდერის გაშვებას დათანხმდებიან.
"გუანჯოუმ" ჩინეთის სუპერლიგის გასული სეზონი 31 ქულით მე-14 ადგილზე დაასრულა. აქვე შეგახსენებთ, რომ ჩინეთში სატრანსფერო ფანჯარა 26 თებერვალს იხურება.
მიმდინარე სეზონში ყაზაიშვილის ანგარიშზე 7 გოლია.
![ყაზაიშვილის 2 საგოლე პასი - მისი გუნდი აზიის ჩემპიონთა ლიგის 1/4-ფინალში გავიდა [VIDEO]](/pictures/image7/ee330124588ac529496941a9f620742c.jpg "ყაზაიშვილის 2 საგოლე პასი - მისი გუნდი აზიის ჩემპიონთა ლიგის 1/4-ფინალში გავიდა [VIDEO]")
