თორნიკე ოქრიაშვილი: დავჭკვიანდი! რაც ცუდი იყო, წარსულში დავტოვე

AutoSharing Option
თორნიკე ოქრიაშვილი "ესქიშეჰირსფორის" ფეხბურთელი გახდა. საქართველოს ეროვნული ნაკრებისა და ბელგიური "გენკის" შემტევი ნახევარმცველი მენეჯერ მამუკა ამიროვთან ერთად სტამბოლში 10 იანვარს ჩაფრინდა. მაშინ ამიროვი "ლელოსთან" ინტერვიუში ამბობდა, რომ ტრანსფერის საკითხი ჯერ გადაწყვეტილი არ იყო...

თუმცა ის ფრთხილობდა. თავად ოქრიაშვილის თურქეთში ჩასვლა უკვე მიანიშნებდა იმაზე, რომ საქმე სერიოზულად იყო. 11 იანვარს თორნიკემ სამედიცინო შემოწმება წარმატებით გაიარა, გუშინ კი თურქეთის სუპერლიგის კლუბთან საიჯარო ხელშეკრულებას მოაწერა ხელი - "გენკის" 23 წლის ლეგიონერი "ესქიშეჰირში" (ჩვენებურად - "ძველი ქალაქი") სეზონის ბოლომდე ითამაშებს. გავრცელებული ინფორმაციით, თურქულ კლუბს მისი გამოსყიდვის უფლება ექნება.

ცნობისთვის: ოქრიაშვილის ახალმა გუნდმა პირველ წრეში გამართულ 17 ტურში მხოლოდ 10 ქულა დააგროვა და 18-გუნდიან სუპერლიგაში ბოლო ადგილზეა. ლიგიდან 3 გუნდი ვარდება, "ესქიშეჰირი" კი მე-15 ადგილზე მყოფ "სივასფორს" მხოლოდ 4 ქულით ჩამორჩება და კლუბის ხელმძღვანელობას ელიტაში ადგილის შენარჩუნების რეალური იმედი აქვს. თანაც, "ესქიშეჰირს" არც ისე ცუდი შემადგენლობა ჰყავს - "პსვ ეინდჰოვენსა" და "ვესტ ჰემში" ნათამაშები ბელგიელი მეკარე რუდ ბოფინი, არგენტინის ეროვნული გუნდის ნახევარმცველი მატიას ადრიან ფედერიკო, განის ნაკრების წევრი ჯერი აკამინკო, "მონაკოში" ნათამაშები კონგოელი მცველი სედრიკ მონგონგუ, შვეიცარიისა და ჩილეს ნაკრებების თავდამსხმელები - ნასიმ ბენ ჰალიფა და სებასტიან ანდრეს პინტუ. ოქრიაშვილის გარდა, "ესქიშეჰირში" კიდევ 5 გამოცდილი მოთამაშის აყვანას აპირებენ.

გუშინვე საქართველოს ნაკრების ერთ-ერთი ლიდერი "ესქიშეჰირის" ხელმძღვანელობამ მედიას წარუდგინა. ოქრიაშვილს თურქეთში დავუკავშირდით და ინტერვიუ ვთხოვეთ...

ბარემ აქვე ვიტყვით: ინტერნეტგამოცემა "ტრანსფერმარკტმა" ოქრიაშვილის გამოსყიდვის პირობით ღირებულებად 2 მილიონი ევრო დაასახელა, მაგრამ გუშინ ამ ვებგვერდზე დაფიქსირებული თანხა ბევრმა გულშემატკივარმა არასწორად გაიგო: ახლანდელი შეთანხმება საიჯაროა და ცხადია, "ესქიშეჰირი" ქართველ ლეგიონერში ამხელა თანხას ვერ გადაიხდიდა. ოქრიაშვილს ამ თემაზეც ველაპარაკეთ...

- პირველ რიგში, ახალ კლუბში გადასვლას გილოცავთ!
- დიდი მადლობა.

- ახალი გუნდით კმაყოფილი ხართ?
- რა თქმა უნდა, კმაყოფილი ვარ. ჩემთვის ეს ტრანსფერი დიდი სტიმულია. აქ იმიტომ ჩამოვედი, რომ ვითამაშო და საუკეთესო ფორმაში ჩავდგე.

- "ესქიშეჰირს" სუპერლიგაში მომავალი მატჩი 18 იანვარს, "ფენერბაჰჩესთან" საკუთარ მოედანზე უწევს. განაცხადში თუ იქნებით?
- ეს ჯერ არ ვიცი, მაგრამ ამის დიდი იმედი მაქვს.

- კლუბში კი ჩაირიცხეთ, მაგრამ არაფერი იყო ნათქვამი, რომელი ნომრის მაისურით ითამაშებთ?
- ჯერ არც ამიღია. მინდოდა, 10 ნომერი მქონოდა, მაგრამ "ესქიშეჰირში" 25 ფეხბურთელია და ყველა კარგი ნომერი დაკავებული დამხვდა. ამიტომ მინდა 70 ან 80-ნომრიანი მაისურა. თუმცა, ამას დიდ ყურადღებას არ ვაქცევ. ნებისმიერს დავჯერდები, მთავარია, ვითამაშო.

- გავრცელდა ინფორმაცია, თითქოს, იჯარის დასრულების შემდეგ თურქულ კლუბს "გენკისგან" თქვენი გამოსყიდვის უფლება ექნება. კონკრეტული თანხაც დასახელდა - 2,5 მილიონი ევრო...
- არა, რა გამოსყიდვის უფლება?! მგონი, "ესქიშეჰირის" მთელი ბიუჯეტიც არ არის 2,5 მილიონი ევრო და ამ
You must have Flash Player installed in order to see this player.
თანხად ნამდვილად ვერ გამომისყიდიან, ეს გამორიცხულია. ამ გუნდში 5-თვიანი იჯარით ვითამაშებ და მერე არ ვიცი, რა მოხდება...

ისე, თურქეთში სხვაგვარი იმედით ჩამოვედი - კარგად რომ ვითამაშო და სეზონის დასრულების შემდეგ... მაგალითად, "გალათასარაიში" გადავიდე.

- ძალიან კარგი იქნება, ასე რომ მოხდეს... ახლა ეს გვითხარით, რამდენად მართალია ინფორმაცია, თითქოს "გენკის" მთავარი მწვრთნელი პეტერ მაესი, მიუხედავად იმისა, რომ არ გათამაშებდათ, ბოლოს მაინც ეწინააღმდეგებოდა თურქეთში თქვენ გაშვებას?
- ასე იყო, მას მართლა არ სურდა, რომ "გენკიდან" წავსულიყავი, მაგრამ ბელგიაში გაჩერება თავად აღარ შემეძლო. იქ დარჩენას აზრი არც ჰქონდა.

- და რატომ ვერ შეეწყვეთ ბელგიას?
- ასეც ვერ ვიტყვი, რომ ვერ შევეწყვე. აი, მწვრთნელს კი ნამდვილად ვერ შევეწყვე. თუმცა ახლა "გენკსა" და მაესზე ლაპარაკი აღარ მსურს. დასამალი არაა, რაც ცუდი იყო, ყველაფერი წარსულში დავტოვე, ფეხბურთის გამო ყველაფერი გვერდით გადავდე. მოკლედ რომ ვთქვა - დავჭკვიანდი!

- სხვათა შორის, ეს გვესმოდა კიდეც - ბოლო ნახევარ წელიწადში ძალიან შეიცვალეთ და მონდომებით ვარჯიშობდით...
- შევიცვალე, რადგან ესეც დრომ მოიტანა. პროფესიონალიზმისა და საქმისადმი დიდი სიყვარულის გარეშე წარმატებას ვერც ფეხბურთში მიაღწევ და ვერც სხვა სფეროში. ცხადია, ვერც დიდ ფეხბურთს ითამაშებ. მე კი დღევანდელ დონეზე დარჩენა არ მინდა.

- თურქულ და ბელგიურ ლიგებს შორის ბევრი განსხვავებაა. თქვენთვის რა უფრო მნიშვნელოვანია?
- აქაური ფეხბურთის სტილი. მე თურქული ჩემპიონატი ბელგიისას ბევრად მირჩევნია და მიმაჩნია, რომ აქაური სუპერლიგა უფრო მაღალი დონისაა. იმედი მაქვს, თურქეთში მეტ გამოცდილებასაც მივიღებ და უფრო თავდაჯერებულიც გავხდები. ბელგიასა და "გენკს" კი არ ვიწუნებ, მათი ლიგაც მშვენიერი დონისაა და გუნდიც ძლიერია, მაგრამ თურქეთში უფრო თამაშობენ იმ ტექნიკურ ფეხბურთს, რაც მე მომწონს, სულ ბურთით არიან და თამაშებიც უკეთესი სანახავია. ბელგიაში კი უფრო მეტი სირბილია, ვიდრე ლამაზი თამაში.

ყოველდღიური სპორტული გაზეთი "ლელო"
ვისაც ფეხბურთი ესმის , ამის ჟონგლიორობა ვის უკვირს და დღევანდელ ფეხბურთში ვის ჭირდება ?
gerchi
02:37 31-01-2016
0
უნდა მოინდომო თოკო თორემ გალათასარაი კი არა კვიპროსი და აზერბაიჯანი გაიხდება სანატრელი. მე წარმატებას გისურვებ და აბა შენი საქმისა შენ იცი.
kaxa
15:14 20-01-2016
0
წარმატებებს გისურვებ, ცოტა ადრეც შეგეძლო და უფრო მეტსაც მიაღწევდი. ქართული ფეხბურთი კიდევ ერთ ტალანტს კარგავდა და შენ მილიონებს.
0
სიტყვის კაცია ოქრია! აი, ნახავენ ბოგმიანები, რომ გაიბრწყინებს მისი ვარსკვლავი! ყველაფერი გამოგივა!
kaxeli papa
02:15 15-01-2016
0
მიუხედავად იმისა, რომ ჯერ ახალგაზრდაა, მისი კარიერის პიკმა უკვე ჩაიარა. ახლა თურქეთის, შემდეგ ალბათ კვიპროსის, ბოლოს ისევ საქართველოს ჩემპიონატებში ითამაშებს.
2015
20:08 14-01-2016
0
ეს კაცი ნიჭითა და შესაძლებლობით დიდ გუნდებში იმსახურებს თამაშს.კარგი სპეციალისტი მაქსიმალურად გამოიყენებს მის საფეხბურთო პოტენციალს.
ფილკა
17:12 14-01-2016
0
თუ დაჭკვიანდა ძალიან კარგი,ნაკრებისთვის საჭირო ფეხბურთელია, შრომა უნდა გააგრძელოს და უკეთეს გუნდში აუცილებლათ მოხვდება.
bebeto
16:42 14-01-2016
0
გასწორებული ლურსმნის და გამოსწორებული კაცის მე არ მჯერა:)):)):))ღმერთმა ქნას და წარმატებებს გისურვებ.
თაზო
13:17 14-01-2016
0
რა გეჩქარებოდა, ჯერ წნორის მილანში გადმოსულიყავი და მერე დაჭკვიანებულიყავი.
კოჭლი ჯონი
11:16 14-01-2016
0
ყველაზე ცუდი ის არის, რომ ამას ჰგონია ყველას სძულდა, ვერ იტანდნენ და ა.შ. კრიტიკა ვერ გაიგო ტიპმა. ღმერთო გვიშველე, შენს წარმატებაზე რომ ვნერვიულობდით ამიტომაც ვბრაზდებოდით შენს უმსგავსო, ბავშვურ საქციელებზე. საქართველოს ნაკრები რომ გვადარდებს იმიტომაც გვინდოდა, რომ ხშირად გეთამაშა და ფორმაში ყოფილიყავი. კი იძახი რომ დავჭკვიანდიო, მაგრამ ვერ მოგიწონებ იმ საქციელს რაც უკვე შენს ამჟამინდელ კლუბზე თქვი, 2,5 მლნ მთლიანი კლუბის ბიუჯეტიც კი არ არისო. ნუ, "ბლატნოი" ნომერი გინდა, ნუ. გინდა და ვერაფერს ვიზამთ.
კარგია, რომ ამბიცია ჯერ კიდევ გაქვს, მაგრამ "კარგად თუ ვითამაშე და გალათასარაიში გადავიდე" ეს ფორმულა არ არის, არავინ იცის რომელ კლუბში აღმოჩნდება, ამით გალათასარაისაც აყენებ უხერხულ მდგომარეობაში. საერთოდ გალათასარაი "აზიურ ბარსელონად" მოიხსენიება რომ იცოდე და თუ დაიჯერებ ძალიან მაღალი კლასის ფეხბურთელებზე ნადირობენ და იქ თუ გინდა მოხვდე ძალიან უნდა მოინდომო ამ 5 თვეში. მოკლედ შენ თუ კარგ ფორმაში ჩადგები ეს მხოლოდ წაადგება ჩვენს ნაკრებს და გაგვიხარდება შენი წარმატება, დაგვიჯერე, ყველას გვინდა, რომ დიდ წარმატებას მიაღწიო. ასევე გვინდა ყველა ქართველმა მიაღწიოს დიდ წარმატებას, შენც, ვაკომაც, ჯანომაც, ჯაბამაც და საერთოდ ყველამ
გულშემატკივარი
10:26 14-01-2016
0
ნაკრებში კაი ხარ და ბელგია რა გახდა ნუ გამაგიჟე!!!
dato
00:40 14-01-2016
0
პატარა მამლუქია, მიდი ოქრიი, ისე ჰგავს ჰაკან შუქურს
ინასა
21:34 13-01-2016
0
ოღონდა საქმით გვანახე რომ დაჭკვიანდი და გეფიცები დავიჯერებ თორემ ცარიელი დაპირებებით ხალხი გაბერილია .გინდა პოლიტიკა იყოს გინდა სპორტი
Nukri
20:10 13-01-2016
0
ნუ დაგღვალეთ. თურმე დაჭკვიანდა.
0
ნაღდად დაჭკვიანებულა. რა მოხდა თუ ბლატნოი ნომერი უნდა
nikolozi
18:44 13-01-2016
0
საქართველოს ნაკრებში მონდობებით,საუკეთესოა გისურვეთ წარმატებებს
ხონი
18:41 13-01-2016
0
ამ ბიჭისგან არაფერი არ გამოვა...ეს ისევ გააგრძელებს სიზარმაცეს და ხვიშტირიკებს...
status quo
18:15 13-01-2016
0
"ოქრი",გულშემატკივრებს შენი დიდი იმედი გვაქვს. წარმატებებს გისურვებთ!!!
tngh
18:00 13-01-2016
0
და შენ გგონია ვინმეს ეწყინება წარმატებებს თუ მიაღწევს?
ზუსტად ამ ადამიანის დამოკიდებულება აღიზიანებს გულშემატკივარს, ამხელა კაცია და უპასუხისმგებლოდ იქცევა და ვერ გაიზარდა ყველანაირი შანსი ქონდა წარმატების მისაღწევად, მაგრამ სად ამოყო თავი თავისი ბავშური ქცევებით, თურქეთის ბოლოდ გუნდიდან თუ გაქაჩავს რაღაც არ მგონია, ღმერთმა ხელი მოუმართოს.
midi-ს
17:37 13-01-2016
0
ღმერთმა ქნას, რომ სიტყვა საქმედ აქციოს და მართლა დაჭკვიანდეს...
Raul
17:14 13-01-2016
0
ჰო ჰო ჰო...ჭყპყ ლიგებში ითამაშეთ და მიაღწევთ....
0
ვისაც ამის წამრატება არ გაუხარდება ფაქტია საქართველოს მტერია, მაგრამ ამის დაჭკვიანება სალამურის თემაა რააა
0
საღოლ
midis
16:56 13-01-2016
0
რაის 2 მილიონი არ აქ ესქიშეჰირს 28 მილიონი აქ ბიუჯეტი და თურქეთის ჩემპიონატი აშკარად ჯიბია ბელგიისას
rokf
16:52 13-01-2016
0
კა დროს დაჭკვიანებაა, ჩაიარა ამის მატარებელმა. მართალია ika ხუთ თვეში გორის დილაში იქნება
0
თურქული ფეხბურთი რომ ბევრად სჯობს ბელგიურს ეს რა გასაკვირია მაინტერესებს გალათასარაი, ფენერბახჩე, ბეშიქთაში აქედან რომელს სჯობს თუნდაც ანდერლეხტი ან ბრიუგე? თურქეთში უფრო აფასებენ ტექნიკურ ფეხბურთელებს ზუსტად ოქრის სტილის ფეხბურთელებს.... ეხლა ვნახე და ოქრის 10 ნომერი მიცეს
gakho
16:42 13-01-2016
0
მე მჯერა ამ ბიჭის, მიაღწევს ბევრს, როგორ მინდა გააჩუმოს ყველა და ჩააგდებინოს ენა ვინც დღეს ირონიულად მოიხსენიებს, მიდი თორნიკე არდანებდე, შენი ნიჭის პატრონს ყველაფერი წინ ააქვს! წარმატებები და მომავალ სეზონში გალა ან ფენერი!
midi
16:21 13-01-2016
0
ეჰ ცოტა ხო არ დაგაგვიანდა :( მაგრამ ნათქვამია სჯობს გვიან ვიდრე არასდროსო. მიდი ძმაო მიდი იქნებ ისევ გახდე ფეხბურთელი და იმის მეათედი მაინც ითამაშო რაც უნდა გეთამაშა.
dadu
16:11 13-01-2016
0
კაი დროსია, გუნდში გადახვედი რომელიც თურქეთშიც კი გასავარდნ პოზიციაზეა, როცა იყავი ბელგიაში მაშინ გეფიქრა დაჭკვიანებაზე მაგრამ მაშინ ეტყობა "ბეენვეს" ფული გქონდა და კმაყოფილი იყავი.
zura
15:50 13-01-2016
0
5 თვის მერე გორის დილაში ხარ :D:D:D:D
0
მეეჩვება თურქული ფეხბურთი ბელგიურს ჯობდეს,მაგრამ მტავარია რომ ტორნიკემ სცორი დასკვნები გამოიტანა,ეს ტვიტონაც ცაადგება და ნაკრებისტვისაც სასარგებლო იკნება
ალეკსანდრე
15:36 13-01-2016
0
სიახლეები პოპულარული