სატრანსფერო სიახლეები
ყველაზე კითხვადი სტატიები
არქივის კალენდარი
ლეგიონის უქმეები: გიორგი პაპუნაშვილის გოლი, ლევან ყენიას პასები [VIDEO]
AutoSharing Option
15:20 11-01-2016
ამ უქმეების ლეგიონის გამორჩეული მოვლენები ამხანაგურ მატჩებში მოხდა.

ბუნდესლიგის "ვერდერმა" თურქულ შეკრებაზე გიორგი პაპუნაშვილი წაიყვანა და არც შემცდარა, "აუესთან" მატჩში (1:3), მე-18 წუთზე ულამაზესი გოლი გაიტანა. მან 90 წუთი ითამაშა და ყვითელი ბარათიც დაიმსახურა.
იხილეთ ვიდეო
Sportall.Ge

ლევან ყენიას "სლავიამ" "კოლინს" 5:0 მოუგო. ჩვენებურმა 61-ე წუთამდე ითამაშა და ორი საგოლე გადაცემა მიითვალა.
იხილეთ ვიდეო
Sportall.Ge

ესპანეთში "ვიტესმა" "ანდერლეხტს" 2:1 მოუგო. ვაკო ყაზაიშვილმა მოედანზე 62 წუთი დაჰყო და ძალზე აქტიური იყო, ხოლო გურამ კაშია მოედანზე 72-ე წუთზე გამოჩნდა.
იხილეთ ვიდეო
Sportall.Ge


საფრანგეთი. ლიგა 1. მართალია, ჯაბა კანკავამ სრულად ითამაშა, მაგრამ მისმა "რეიმსმა" შინ ერთ-ერთ აუტსაიდერ "ტულუზთან" 1:3 დათმო და ძალზე გაირთულა სატურნირო მდგომარეობა.

ინგლისი. ასოციაციის თასი. ინგლისის თასის 1/32-ფინალიდან გამოვარდა აკაკი გოგიას "ბრენტფორდი", რომელიც შინ 0:1 დამარცხდა "უოლსოლთან". ჩვენებურმა თამაშს სათადარიგოთა სკამიდან უყურა.

იტალია. სერია A. "ტორინოსა" და "ემპოლის" მატჩში (0:1) ვერ ვიხილეთ ლევან მჭედლიძე, რომელიც ჯერ კვლავ არ არის მზად სათამაშოდ.

ლეგა კალჩო. ირაკლი შეყილაძის
You must have Flash Player installed in order to see this player.
(90 წ) "ტუტოკუოიო" შინ ლიდერ "სპალთან" 0:2 დამარცხდა.

ესპანეთი. სეგუნდა. "ჟიმნასტიკში" გიორგი აბურჯანია ჩაირიცხა. მან უკვე ივარჯიშა ახალ გუნდში, მაგრამ უშუალო კონკურენტ "ლუგოსთან" მატჩს (1:2) ქართველმა ტრიბუნიდან უყურა.

პორტუგალია. სეგუნდა. გიორგი მაკარიძემ "ფეირენშეს" კარი მშრალად შეინახა, მისმა გუნდმა 2:0 სძლია ლისაბონის "სპორტინგის" დუბლებს.

მოიგო ავთო ებრალიძის (90 წ) "ჟილ ვისენტემაც", რომელმაც სტუმრად "მაფრა" დაამარცხა. 44-ე წუთზე ავთოს დარტყმულს აფრიკელმა ალფონსმა დაამატა - 0:1.

"ფეირენშე" 42 ქულით მესამეა, ხოლო "ჟილ ვისენტე" 40 ქულით მეოთხე ადგილზეა.

თურქეთი. სუპერლიგა. ნიკა ძალამიძის "რიზემ" "აიდინს" 3:1 მოუგო. ქართველი განაცხადში არ ყოფილა. ის, შესაძლოა, იჯარით პოლონეთში დაბრუნდეს.

საბერძნეთი. სუპერლიგა. ვერც გიორგი მერებაშვილის (მეორე ტაიმი ითამაშა) "ლევადიაკოსმა" შეძლო "ოლიმპიაკოსის" შეჩერება და პირეოსში 1:3 დამარცხდა.

კვიპროსი. "პაფოსში" მხოლოდ ლევან ხმალაძე დარჩა ქართველთაგან. ის სასტარტოში იყო აელ-თან 0:0 თამაშში. ქართველი ნახევარმცველი გააფრთხილეს და 64-ე წუთზე შეცვალეს.

"ანორთოსისი" სტუმრად "დოქსას" დაუზავდა - 1:1. სტუმართა რიგებში არ ყოფილა ირაკლი მაისურაძე.

თემურ ქეცბაიას აპოელ-მა სტუმრად 2:1 დაამარცხა "არისი" და მესამე ადგილზე გადავიდა.

დღეს ძმები გრიგალაშვილების "ახნასი" "აპოლონს" უმასპინძლებს.

(იბეჭდება მცირე ცვლილებით)
ყოველდღიური სპორტული გაზეთი "ლელო"
მკითხველის კომენტარები (0)
კომენტარი ჯერ არ გაკეთებულა.