როგორც ბელგიური საიტები წერენ, "გენკის" ქართველმა ლეგიონერმა თორნიკე ოქრიაშვილმა, შესაძლოა, კარიერა თურქეთის სუპერლიგაში გააგრძელოს. საუბარია აუტსაიდერ "ესკისეჰირსპორზე"...Sportall.ge ინფორმაციის გადასამოწმებლად საქართველოს ეროვნული ნაკრების ფეხბურთელის აგენტს, მამუკა ამიროვს დაუკავშირდა.
- ოქრიაშვილის თურქეთში შესაძლო ტრანსფერთან დაკავშირებით რას გვეტყვით?
- თურქულ გუნდ "ესკისეჰირსპორთან" მოლაპარაკებები მართლაც მიმდინარეობს, სეზონის ბოლომდე იჯარით აყვანაზე. თურქეთში გადასვლა თავად ოქრიაშვილის სურვილი იყო და დიდი ალბათობით, ორშაბათს ტრანსფერი დასრულებული იქნება.
- იჯარა, გამოსყიდვის უფლებით?
- კი. საუბარი 2,5 მილიონ ევროზეა.
- ბოლო ინტერვიუში თქვით, ოქრიაშვილით ჰოლანდიის, გერმანიის და ბელგიის გუნდები
- კი, არიან მსურველები ევროპაში, კონკრეტულად კი ორი ბელგიისა და ერთიც იტალიის გუნდია, თუმცა მათგან განსხვავებით, თურქეთში ოქრიაშვილს სათამაშო პრაქტიკას შეპირდნენ. ამ ეტაპზე მთავარი სწორედ ესაა. თანაც, პირადი კონტრაქტის პირობებიც თურქული კლუბისა უკეთესია.
- "ესკისეჰირსპორი" თურქეთის ჩემპიონატში ბოლო ადგილზეა. იმ შემთხვევაში, თუ გუნდი სუპერლიგიდან გავარდება და ოქრიაშვილის გამოსყიდვას მოისურვებს, თორნიკე გუნდს პირველ ლიგაში გაყვება?
- არავითარ შემთხვევაში! კონტრაქტის პირობით, თავის ბედს ოქრიაშვილი თავად გადაწყვეტს - მას თუ არ ენდომება კლუბში დარჩენა, ვერც გამოისყიდიან.
