ქართული ფეხბურთი

ლეგიონერები

გიორგი პაპუნაშვილი: მატჩის მერე "ვერდერის" მთავარმა მწვრთნელმაც შემაქო

AutoSharing Option
20 წლის გიორგი პაპუნაშვილმა გუშინ, 7 იანვარს, პირველად ითამაშა ბრემენის "ვერდერის" ძირითად გუნდში.
ბრემენულ გუნდში დებიუტთან დაკავშირებით ქართველმა შემტევმა Sportall.ge-სთან ისაუბრა.

"დებიუტით და ზოგადად, ჩემი თამაშით კმაყოფილი ვარ. მიმაჩნია, რომ თავი კარგად წარმოვაჩინე და მატჩის მერე ეს ყველამ აღნიშნა, მათ შორის, მთავარმა მწვრთნელმაც.

ერთი შეხვედრით არაფერი წყდება, ამიტომ უნდა გავაგრძელო პროგრესი და შემდეგ თამაშებშიც კარგად უნდა ვითამაშო. ეს შეკრება ჩემთვის და ჩემი მომავლისთვის ძალიან კარგი იქნება", - გვითხრა პაპუნაშვილმა.

ბრემენელებმა თურქეთის პირველი ლიგის
ბინადარ "ადანა დემირსფორს" 7:0 მოუგეს. პაპუნაშვილი მეორე ტაიმიდან ჩაერთო თამაშში. მან "ვერდერის" კაპიტანი კლემენს ფრიტცი შეცვალა და მეშვიდე გოლის კომბინაციაში მიიღო მონაწილეობა.