საქართველოს ნაკრებისა და მოსკოვის "სპარტაკის" ფეხბურთელმა ჯანო ანანიძემ შესაძლოა ზამთრის სატრანსფერო ფანჯრის დროს კლუბი გამოიცვალოს. ამის შესახებ ანანიძემ "კვირის პალიტრასთან" ისაუბრა.გთავაზობთ ამონარიდს ინტერვიუდან.
- იანვარში ვარჯიშს კი განაახლებ, მაგრამ რომელ კლუბში? რუსულ პრესაში დაიწერა, "სპარტაკის" დირექტორთა საბჭოს სხდომაზე ანანიძის მომავალზეც იმსჯელესო. მართალია?
- ვერ გეტყვით. ზამთრის შესვენება კარს არის მომდგარი და რუსულ პრესაში ბევრ რამეს წერენ. თუმცა იმ შეხვედრის დეტალები ჩემთვის უცნობია.
- რუსი ჟურნალისტები წერენ, გადაწყვეტილია, რომ "სპარტაკი" ჯანოს ამ ზამთარსვე შეელევაო... იმედია, ასეც იქნება და, ბოლოს და
- "სპარტაკთან" ჩემი ხელშეკრულების ამოწურვამდე მხოლოდ წელიწად-ნახევარია დარჩენილი. ასე რომ, იჯარა გამორიცხულია, ან მოსკოვში დავრჩები, ან სხვა კლუბში გადასვლის უფლებას მომცემენ. კიდევ ერთხელ ვამბობ - რუსულ კლუბში თამაშს აღარ ვაპირებ, თუ წავალ, მხოლოდ ევროპულ კლუბში. შემოთავაზებები ისევ მაქვს, მთავარია, "სპარტაკმა" გამიშვას!
- "სპარტაკმა" არ გაგიშვა, თორემ იანვარში მითხარი, რომ შენი დამატება ბერძნულ, გერმანულ და ესპანურ კლუბებს სურდათ. ახლა?
- კლუბების დასახელებისგან თავს შევიკავებ, მაგრამ იმას კი გეტყვით, რომ გერმანული და ჰოლანდიური გუნდებია.
იხილეთ ინტერვიუს სრული ვერსია
ავტორი: რატი შელეგია
წყარო: kvirispalitra.ge
