გურამ კაშიასა და ვაკო ყაზაიშვილის "ვიტესი" ევროპალიგის საგზურთან ერთ ნაბიჯშია. არნემულმა კლუბმა სტუმრად 2:2 ითამაშა "ჰეერენვეენთან" და ახლა ევროსაგზურის მოსაპოვებლად კვირას შინ ნებისმიერი ანგარიშით მოგება ან 0:0 და 1:1 ჰყოფნის. აღსანიშნავია, რომ ლომის წილი ამ წარმატებაში 22 წლის ვაკო ყაზაიშვილს მიუძღვის, რომელმაც ამ სეზონში "ვიტესის" მაისურით ყველა შეჯიბრებაში 12 გოლი გაიტანა.
თუმცა მისმა გოლმა ჰოლანდიური ფეხბურთის სამყაროში დიდი მითქმა-მოთქმა გამოიწვია. სპეციალისტთა უმრავლესობის აზრით, ეს გოლი ფიფას არბიტრ ბიორნ კუიპერსს არ უნდა ჩაეთვალა.
იხილეთ ვიდეო
"ჰეერენვეენი" საკუთარი საჯარიმოდან შეტევას იწყებდა, როცა ტრიბუნაზე
როგორც წესი, თამაში ჩერდება, როცა მინდორზე ორი ბურთია. მით უფრო, საჯარიმოში, მოვლენათა ეპიცენტრში.
აი, რა განაცხადა კუიპერსმა: "როდესაც მეორე ბურთი თამაშის მიმდინარეობას ხელს არ უშლის, თამაშის გაგრძელება შეიძლება. მე ჩავთვალე, რომ ბურთი თამაშს ხელს არ უშლიდა".
