ადრეც გვეწერა, რომ ოფი-ს ქართველმა ლეგიონერებმა, გიორგი მერებაშვილმა და გიორგი ლორიამ კრეტულ კლუბს, შესაძლოა, ფიფაში უჩივლონ. მათ თვეებია, ხელფასი არ აუღიათ. 5 მარტს მერებაშვილმა ბერძნულ მედიას უთხრა, რომ ოფი-ში თამაშს აღარ აპირებს.
"გადავწყვიტე, ოფი-დან წავიდე. ჩემი გადაწყვეტილება აღარ შეიცვლება. კლუბის მხრიდან ფეხბურთელების მიმართ პატივისცემა არ იგრძნობა.
როცა საქმე ასეა, აღარ უნდა დარჩე. მინდოდა, ოფი-ს დავხმარებოდი, მაგრამ სხვა არჩევანი აღარ დამრჩა.
ახლა ფიფაში გავგზავნი საჩივარს და შედეგს დაველოდები", - განაცხადა 28 წლის შემტევმა.
(იბეჭდება მცირე ცვლილებით)
ყოველდღიური სპორტული გაზეთი "ლელო"
ქართველი, ოსი და აფხაზი... ეხ, ეს დიადი სამეული გაგვამეორებინა.