goal.com-მა გამოაქვეყნა სერია A-ს იმ ფორვარდების სია, რომელთაც მეტისმეტად გაუგრძელდათ უგოლო სერია. ამ სეზონში ყველაზე დიდი "მშრალი სერია" "კალიარის" ფორვარდ სამუელე ლონგოს აქვს - 815 წუთი უგოლოდ.
მეორე ადგილზე "პარმას" ფორვარდი იცხაკ ბელფოდილია - 670 წუთი. მესამე ადგილზე კი "ინტერში" ახლახან გადასული ლუკას პოდოლსკია - 559 წუთი.
სამწუხაროდ, ლიდერთა შორის არის ლევან მჭედლიძეც - "ემპოლის" ფორვარდს 513 წუთია, გოლი ვერ გაუტანია ჩემპიონატში (დეკემბერში გოლი მან იტალიის თასზე გაიტანა). ამ მაჩვენებლით ის მეხუთე ადგილზეა - ზემოთ ჩამოთვლილთა გარდა, "ლაციოს" კეიტას "ჩამორჩება".
