ethnos.gr-ის ინფორმაციით, კრეტული ოფი-ს ქართველი გოლკიპერი გიორგი ლორია თავის კუთვნილ ფულს ითხოვს. უკვე გადაწყვეტილია, რომ ის სეზონის ბოლოს გუნდს დატოვებს. სხვათა შორის, კლუბთან შეთანხმებით, ხელშეკრულებას ორი წელი მოაკლდა და მხოლოდ ერთწლიანი დარჩა.
ლორია აცხადებს, რომ იგივე მოხდა გიორგი მერებაშვილის კონტრაქტთან დაკავშირებითაც, თუმცა ამ ინფორმაციას ჯერჯერობით ოფი არ ადასტურებს.
"ძალიან მძიმე სიტუაციაა. სახლის ქირა, სადაც ვცხოვრობ, გადაუხდელია. ხანდახან არ არის ცხელი წყალი.
ასეთი რამ როგორ უნდა მოხდეს ბერძნულ სუპერლიგაში, ეს ხომ სამოყვარულო პირველობის დონეს უფრო შეეფერება.
ამდენი სტრესია, ასეთ პირობებში ფეხბურთი
პრობლემის გადაწყვეტაც არ გამოდის, ტელეფონს არავინ პასუხობს. ოფი მიყვარს და არ მინდა, ფიფას მივმართო, მაგრამ აქ ფეხბურთელებზე არავინ ფიქრობს.
ჩემთვის ადვილი გამოსავალი იქნებოდა წამოსვლა და თბილისის "დინამოსთან" ერთად ვარჯიში", - განუცხადა ლორიამ gazzetta.gr-ს.
