"ტრენჩინის" ფანებმა გიორგი ბერიძე წლის ფეხბურთელად დაასახელეს

ბელგიური მედიის ინფორმაციით, "გენტმა" გიორგი ბერიძის კვლავ იჯარით გასხვისების გადაწყვეტილება მიიღო და დიდი ალბათობით, ეს კლუბი ისევ სლოვაკური "ტრენჩინი" იქნება.

ახალგაზრდა ქართველი შემტევი "გენტს" 2020 წლის ზაფხულამდე ეკუთვნის. მან დიდებულად წარმოაჩინა თავი ფორტუნალიგაში, სადაც 4 გოლი გაიტანა.

მიუხედავად იმისა, რომ მხოლოდ იანვრიდან დაიწყო თამაში, ჩვენებურმა "ტრენჩინის" ფანების მიერ დაარსებული წლის ფეხბურთელის პრიზი მიიღო.

ფორტუნალიგის ოფიციალურმა საიტმა გიორგი ბერიძე საგაზაფხულო ეტაპის სიმბოლურ ნაკრებში შეიყვანა. ჩვენებური ხუთჯერ მოხვდა ტურის სიმბოლურ ნაკრებებში.