დანიის ჩემპიონატში ევროპალიგის საგზურის მაძიებელთა პლეი ოფის მეორე შეხვედრაში "სილკებორგმა" 2:1 დაამარცხა "ოდენსე" და რაკი პირველი მატჩი 1:3 ჰქონდა წაგებული, ბრძოლას გამოეთიშა. "სილკებორგის" რიგებში სრულად ითამაშა და ყვითელი ბარათი მიიღო დავით სხირტლაძემ.უმაღლეს ლიგაში ადგილის შესანარჩუნებელი პლეი ოფის მეორე მატჩში "ვიბორგმა", რომელსაც "ჰორსენსთან" პირველი შეხვედრა 3:0 ჰქონდა მოგებული, 0:1 დამარცხდა. "ვიბორგში" მათე ვაწაძე სათადარიგო იყო.
* * *
პოლონეთის ჩემპიონატის უმაღლეს ლიგაში ადგილის შენარჩუნებისთვის მებრძოლ გუნდებს შორის "არკამ" 0:1 წააგო "პლოცკთან". წაგებულთა რიგებში 70-ე წუთზე გამოჩნდა ლუკა ზარანდია, მოგებულთა შორის კი აქვე "ლენჩნამ" 3:0 მოუგო "კრაკოვიას". გამარჯვებულებში არ უთამაშია ნიკა ძალამიძეს, რომელიც სათადარიგო იყო.
* * *
ლიტვის ჩემპიონატში "კაუნო ჟალგირისმა" შინ 0:2 წააგო "სუდუვასთან". წაგებულთა რიგებში სრული მატჩი ჩაატარა "ცხინვალის" ყოფილმა მცველმა ლევან ჭაფოძემ.* * *
ბელორუსის პირველობაზე მოზირის "სლავია" გასვლაზე დაუზავდა (1:1) "კრუმკაჩის". სტუმართა შორის ძირითად შემადგენლობაში იყო მცველი ოთარ ჯავაშვილი.(იბეჭდება მცირე ცვლილებით)
ყოველდღიური სპორტული გაზეთი "ლელო"
![სხირტლაძემ მეტოქეს სახეში დაარტყა და გააძევეს - ქართველების ჩხუბი თურქეთის ჩემპიონატში [VIDEO]](/pictures/image7/f41ad1c0c4b9994b6e719d22df4628cd.jpg "სხირტლაძემ მეტოქეს სახეში დაარტყა და გააძევეს - ქართველების ჩხუბი თურქეთის ჩემპიონატში [VIDEO]")
