ქართული ფეხბურთი

ლეგიონერები

გუგა ფალავანდიშვილი: დიახ, "დაჩია"... კიშინიოვში ხვალ ან ზეგ ჩავალ

AutoSharing Option
კიშინიოვის "დაჩიაში" ნუკრი რევიშვილის გადასვლის ამბავი უკვე ცნობილია. საქართველოს ნაკრების მეკარე მოლდოვურ გუნდთან ერთად ესპანეთში ემზადება. იყო ინფორმაცია, თითქოს, 29 წლის კიპერთან ერთად "დაჩიაში" ქუთაისის "ტორპედოდან" წასულ გუგა ფალავანდიშვილსაც ელიან, რომლის კონტრაქტიც კვიპროსის "ეთნიკოსთან" ფიფამ არ დაარეგისტრირა.

"ლელო" დაუკავშირდა 23 წლის ნახევარმცველს, რომელმაც მოლდოველთა ინტერესი და შესაძლო ტრანსფერი დაადასტურა:

"მართალია. კიშინიოვში ხვალ ან ზეგ ჩავალ, მაგრამ ჯერ დეტალები არ ვიცი და მალე გავარკვევ, კონტრაქტს რა ვადით გავაფორმებ. მთავარია, "ეთნიკოსში" ჩემი ტრანსფერი არ
დარეგისტრირებულა, ანუ "დაჩია" სეზონში მესამე კლუბი არ იქნება და ხელი არ შემეშლება", - ამბობს ფალავანდიშვილი.

(იბეჭდება მცირე ცვლილებით)
ყოველდღიური სპორტული გაზეთი "ლელო"
ასევე დაგაინტერესებთ