26 იანვარს არნემის "ვიტესი" ჰოლანდიის თასის 1/4-ფინალში როტერდამის "ფეიენოორდს" ხვდება. მატჩის წინ ჰოლანდიურ მედიას გუნდის კაპიტანი გურამ კაშია გაესაუბრა: "სათასო მატჩებში თავს დავდებ და ბოლომდე ვიბრძოლებ. ერედივიზიეში სამი გრანდი სხვებისგან გამორჩეულია და მათთან ბრძოლა ძალიან ძნელია, მაგრამ სათასო ბატალიები სულ სხვა საქმეა. თასი ჩვენი შანსია.
ჩვენ, "გრონინგენს" და "ზვოლეს" გვაქვს შანსი, მოვიგოთ ჰოლანდიის თასი. "ფეიენოორდთან" გადამწყვეტი და ძალზე მნიშვნელოვანი მატჩი გველის. გუნდში ყველამ კარგად იცის ეს. შინ ვთამაშობთ და სავსე სტადიონის გვეიმედება.
ჩვენი მიზანია, თასი არნემში ჩამოვიტანოთ და ასეთ შემთხვევაში
