საქართველოს ფუტსალის ეროვნულ ნაკრებს ევროპის ჩემპიონატის შესარჩევის პლეი-ოფში მოსახვედრად დღეს ქულაც დააკმაყოფილებს.ჯგუფის მეორე შეხვედრა, სადაც ერთმანეთს ჰოლანდიისა და ბელორუსის ნაკრებები დაუპირისპირდნენ, ფრედ, ანგარიშით 3:3 დასრულდა. შესაბამისად, ორივე გუნდს 2-2 ქულა დაუგროვდა. ამდენივე აქვს საქართველოს ნაკრებს.
შეგახსენებთ, რომ ჩვენი ნაკრები ევროპის ჩემპიონატის მეორე საკვალიფიკაციო ეტაპის მესამე, გადამწყვეტ მატჩს დღეს, 18:00 საათზე, ოლიმპიურ სასახლეში იტალიის ნაკრების წინააღმდეგ გამართავს, რომელსაც 6 ქულით ევროპის ჩემპიონატის საგზური განაღდებული აქვს.
ევროპირველობაზე მოსახვედრად ასეთი წინაპირობაა: ფინალურ ტურნირზე, რომელსაც 2018 წლის 30 იანვრიდან 10 თებერვლამდე სლოვენია უმასპინძლებს,
დარჩება ოთხი ვაკანტური ადგილი, რომელსაც ოთხ საპლეიოფო წყვილში გამარჯვებულები მიიღებენ. პლეი-ოფში მოსახვედრად შესარჩევ ჯგუფში მეორე ადგილია საჭირო. შვიდ მეორეადგილოსანს ერთი საუკეთესო მესამეადგილოსანიც შეუერთდება. საპლეიოფო მატჩები სექტემბერში გაიმართება.
