"პროცენტებით რომ ლაპარაკობს ცხადაძე, თქვას ზუსტად, რამდენი აქვს ხელფასი"

AutoSharing Option
სპორტისა და ახალგაზრდობის საქმეთა მინისტრი ტარიელ ხეჩიკაშვილი ეროვნული ნაკრების მთავარი მწვრთნელის, კახა ცხადაძის პრესკონფერენციას გამოეხმაურა.

მინისტრმა ბრიფინგი გამართა ჟურნალისტებისთვის, მერე მონაწილეობდა არაერთ თოქ-შოუში, მოგვიანებით კი "ლელოსაც" მისცა ინტერვიუ...

- ალბათ, ფაქტია, რომ ასე დიდხანს ვერ გაგრძელდება. ეს აურზაური უნდა ჩაცხრეს...
- დუღილის ტემპერატურა აწეულია და ჩემი აზრით, ის ასწია კახა ცხადაძის განცხადებებმა. შეთქმულების თეორიებით ლაპარაკი არ მიმაჩნია სწორად. ალბათ, პროცენტებსა და ხელფასის დაკლებაზე ლაპარაკს ჯობია, კონკრეტული ციფრებით ვილაპარაკოთ... რატომღაც მას ჰქონდა ილუზია, რომ შემეძლო, მისი ხელფასი გადამეხადა.

მინისტრად რომ მოვედი, მაშინვე გავაკეთე აქცენტი იმაზე, რომ ამხელა ხელფასს სახელმწიფოსგან არ უნდა იღებდეს მწვრთნელი. მე ცხადაძეს არ ვებრძვი, მინდა სისტემა შევცვალო. როცა ეს განცხადება გავაკეთე, სხვა ხელმძღვანელობა იყო ფეხბურთის ფედერაციაში. მაშინ რა ვიცოდი, რა შედეგით მორჩებოდა არჩევნები? ჩემი საქმე არ არის მწვრთნელის დანიშვნა და არდანიშვნა.

- ამბობენ, სპორტის მინისტრს პიროვნულად არ აქვს კარგი დამოკიდებულება ცხადაძესთანო...
- კიდევ ერთხელ ვამბობ - პიროვნულად არაფერი მაქვს კახა ცხადაძის საწინააღმდეგო. პირიქით, მას ძალიან ვაფასებ. ნაკრებში ასეთი სიტუაცია იყო წლების განმავლობაში. სხვა შეიძლება პირში არ ამბობს სათქმელს, მე კი ეს სათქმელი პირდაპირ ვთქვი.

თუ ფეხბურთის ფედერაცია მოძებნის ნაკრების მთავარი მწვრთნელის დასაფინანსებელ თანხას, გადაუხადოს მას ხელფასი, არ არის არანაირი პრობლემა. 10 წლის განმავლობაში დიდი თანხა დაიხარჯა ნაკრების მწვრთნელებში და შედეგი არ ჩანს. ამას მაშინაც ვამბობდი, სანამ მინისტრი გავხდებოდი. ეს ხომ სახელმწიფოს ფულია?!

- მაინც რა თანხაა ეს?
- ათეულ მილიონ ლარზეა ლაპარაკი. მინდა აქვე ვთქვა, რომ ჩვენ მხოლოდ ფეხბურთში არ ვართ შედეგზე ორიენტირებულები. სპორტის სხვა სახეობებშიც ასეა. ასე რომ, ნურავინ იტყვის, თითქოს ცხადაძეს ვებრძვი.

- ვიცით, რომ სახელმწიფო ფეხბურთის ფედერაციას წლიურად 7 მილიონ ლარს აძლევს. ამ თანხის მიზნობრიობას სახელმწიფო განსაზღვრავს?
- ეს სახელმწიფოს ფულია და, რა თქმა უნდა, პრიორიტეტებსაც სახელმწიფო განსაზღვრავს. სხვათა შორის, ძალიან ბევრ ქვეყანაში ფეხბურთის ფედერაცია სახელმწიფოს დახმარების გარეშე იხდის მწვრთნელის ხელფასს.

- ბევრი მიიჩნევს, რომ ფეხბურთის ფედერაციას რეალურად დღეს სპორტის სამინისტრო მართავს. რამდენად დამოუკიდებელია დღეს ფეხბურთის ფედერაცია?
- ჩემი, როგორც მინისტრის ოცნებაა, რომ ყველა ფედერაცია იყოს აბსოლუტურად დამოუკიდებელი. ვინც არ იცნობს ლევან კობიაშვილს, მხოლოდ ის იტყვის, ფეხბურთის ფედერაცია არ არის დამოუკიდებელი. სწორედ ფედერაცია იღებს გადაწყვეტილებას ნაკრების მთავარი მწვრთნელის თაობაზე და ეს მის დამოუკიდებლობაზე მეტყველებს.

- აღმასკომზე გკითხავთ. ბევრის აზრით, იქ ორი კლუბის კადრების სიჭარბეა...
- ეს აღმასკომი საფეხბურთო საზოგადოების არჩეულია. ისინი თავიანთ კლუბებში თუ სხვაგან წარმატებულები იყვნენ. ასე ყველაფერს შეიძლება კუდი გამოაბა.

- ხომ არ არევს ნაკრებში სიტუაციას ცხადაძის შესაძლო წასვლა?
- მე არ ვაყენებ
You must have Flash Player installed in order to see this player.
ეჭვქვეშ მის კომპეტენციას, პირად თვისებებს, ღირსებას... სპორტის მინისტრი მწვრთნელის საკითხთან რა შუაშია?! დიდი იმედი მაქვს, მალე დაწყნარდება სიტუაცია და ფეხბურთელები მშვიდად გააგრძელებენ მომზადებას შესარჩევი ციკლისთვის. ვინ თქვა, რომ ცხადაძე ჩემი მტერია? აბსურდია!

ხალხს მიაქვს ფული ქართული ფეხბურთიდან და მე ეს ფული მომქონდა. შესაბამისად, ჩემთვის სულერთი ვერ იქნება ქართული ფეხბურთის ბედი. ჩვენ დავიწყეთ რეფორმები და ეს არის რთული გზა.

- როდის ამოქმედდება ფეხბურთის განვითარების სახელმწიფო პროგრამა?
- შეიქმნა "ქართული ფეხბურთის განვითარების ფონდი". ჩვენ ახლა ველოდებით ფედერაციის პრიორიტეტებს.

- ფაქტია, რომ კლუბების დაფინანსებას აზრი ეკარგება, თუ ქართული ფეხბურთი არ გაიწმინდა...
- საჭირბოროტო საკითხს შეეხეთ. წლების განმავლობაში ვინც არასწორად იყო მიჩვეული ცხოვრებას და მუშაობას ფეხბურთში, ის განაწყენდება ამ რეფორმებით. მაგრამ მე მზად ვარ ნებისმიერი კრიტიკისთვის. მზად ვარ და ვიცი, რომ შეიძლება ლაფიც მესროლონ, მაგრამ ჩემთვის მთავარია, გულშემატკივარი დარჩეს კმაყოფილი.

- ბოლოს, კერძო კლუბებზეც გვითხარით...
- ფონდის დაფინანსებისას კერძო კლუბებს ექნებათ გარკვეული პრიორიტეტი. ჩვენ ისე უნდა ვიმოქმედოთ, რომ სახელმწიფო კლუბები კერძო კლუბებად გარდაიქმნან. ჩვენ ქართულ ფეხბურთში უნდა დავაბრუნოთ არა მხოლოდ ის ინვესტორები, რომლებიც წასულები არიან დროებით, არამედ ახლებიც უნდა მოვიზიდოთ.

(იბეჭდება მცირე ცვლილებით)
ყოველდღიური სპორტული გაზეთი "ლელო"
ბატონ მინისტრს მინდა ვკითხო: 1) სამოქალაქო ინსტიტუტი "კაბადონი" სად არის,როდის არსებობდა და საერთოდ რას წარმოადგენდა 2)და 27 წლის ასაკამდე საშუალო გნათლების ამარა რომ ადამიანი დადის და შემდეგ რაგაც საეჭვო სასწავლებელს რომ "ამთავრებს" შეიძლება თუ არა ესეთი არსება იყოს მინისტრი?
ბადრი
21:11 23-01-2016
0
რას აკეტებს ისეტს ამხელა ხელფასი რომ აქვს, ხალხი შიმშილობს და არ რცხვენიატ ასეთი ფუფუნების/?
0
ჯოგი რის ჯოგი კველა მიხვდებით. არ აცადოთ მიდით გასრისეთ საქმის მკეთებელი არავის ჭირდება არაკაცები ვადიდოთ ვაშააააა
goga
09:36 23-01-2016
0
იმის მაგივრად რომ ინვესტორები და სპონსორები მოიზიდონ, ფეხბურთი მომგებიანი გახადონ მწვრთნელების ხელფასებს მიადგნენ.. მალე დავალთ ჩვენ ფარერების დონეზე..
Misha
23:40 22-01-2016
0
ქეცბაია რო იღებდა 2 ჯერ მეტ ხელფასს ვიდრე ცხადაძე მაშინ რატო არ თქვეს არაფერი
0
boria-ს
ტარიელ ხეჩიკაშვილს მინისტრობის პერიოდში არც ხელფასი აუღია, არც პრემია და არც დანამატი. მისი ხელფასი პირდაპირ ირიცხება სხვადასხვა საქველმოქმედო ფონდებში. შეგიძლიათ გამოითხოვოთ საჯარო ინფორმაცია სამინისტროსგან.
გოგა
18:50 22-01-2016
0
qutaiseli-s alekoსწორედაც რასაც შენ წერ არ არის ფეხბურთის ფედრაციის ვალდებულება ბავშვთა აღზრდას მიხედოს ეს სპორტული სკოლების და განათლების სფეროს პრეროგატივაა ხოლო ინფრასტრუქტურა და ასე შემდეგ სახელმწიფოს საქმეა და რაც შეუძლია იმას აკეთებს სპორტის სამინისტრო კიდე საბიუჯეტო ორგანიზაციაა და არა კერძო ხარათმხანა რაც მოგინდება ის დააფინანსო იქ მარტო ფეხბურთის ფედერაცია არ არის წარმოდგენილი.quTaiseli -ს მე არაფელი ამომიჩემებია შენკი გეტყობა სრულ გაურკვევლობაში ხარ რა მიდგომაზეა საუბარი როცა სახელმწიფო მოხელე გეუბნება მწვრთნელის ამხელა ხელფას ვერ გადავიხთიო რისი უფლებაც მას აქვს ხოლო კობის აქ უფლება ფედერაციის შემოსავლებიდან დაფაროს ეს თანხა და ვერავინაც ვერაფერს ვერ ეტყვის ესარი სიმართლე და რა მიდგომა რის მიდგომა ყველაფერი კანონიერად და სწორად ხდება.ხოლო ვისაც ამის დანახვა არუნდა ეს მისი პრობლემაა არგუმენტი მინდა მე და არა ჰაერზე საუბარი.
qutaiseli
16:27 22-01-2016
0
ტარიელ ხეჩიკაშვილი არის საბურთალოს პრეზიდენტი და სანამ თავის საბურთალოელი ნაცნობებით არ აივსება ფედერაცია არ გაჩერდება, ხალხმა და ფეხბურთელებმა ხმა უნდა ამოიღონ! რა მნიშვნელობა აქვს არველაძეების გუნდი დაანგრევს ფეხბურთს თუ ხეჩიკაშვილის?
უნდა დამთავრდეს ნეპოტიზმი და ფულის კეთება ფეხბურთში და ხალხმა ხმა უნდა ამოვიღოთ...
xecho
16:08 22-01-2016
0
ტარიელს რამდენი აქ ხელფასი თვითონ და თუ ეკუთვნის?

რა დამსახურებისთვინ არი მინისტრი?
boria
16:01 22-01-2016
0
ახალი თქვი რამე, ორი სიტყვა რომ ამოგიჩემებია. რაც დაწერე ყველამ ვიცით მაგრამ მიდგომაზეა საუბარი და არა იმაზე ვინ საიდან ფინანსდება. სხვას თუ აკისრებ პასუხისმგებლობას, შენ პირველმა უნდა აიღო და მაგალითი აჩვენო.
quTaiseli -ს
15:53 22-01-2016
0
რატომ არის დემაგოგია. მაინტერესებს ერთი თუ სამინისტრო და ფედერაცია ვერ გააკეთებენ თავიანთ საქმეს - ანუ ვერ შექმნიან პირობებს რომ ბავშვები სწორად აღიზარდნონ,ნორმალური ინფრასტრუქტურა იყოს, ჩემპიონატის პრობლემები მოგვარდეს და ბევრი სხვა კიდევ და პასუხისმგებლობა შედეგებზე მარტო მწვრთნელს დაეკისროს ეგ არის დემაგოგია?
qutaiseli-s aleko
15:48 22-01-2016
0
2009 წელს ნაკრები რომ მიატოვა ცხადაძემ, მაგაზე ილაპარაკოს. და კიდე იმაზე, თავის ბიჭს რომ იძახებდა ხოლმე ნაკრებში. კარგით რა, ნუ შექმენით გმირი.
ნიკო
15:47 22-01-2016
0
თენგო-ს. რომ იძახი, ფეხბურთში "შედეგს კი მინიმალურსაც ვერ აღწევენ-ო". მარტო პირველი ნაკრები გაქვს ალბათ მხედველობაში თუ....? ორ ასაკობრივ ნაკრების დონეზე, ელიტრაუნდში გასვლას, შედეგად არ თვლი? მე მასე არ ვფიქპობ. შედეგი არის, მაგრამ არა პირველი ანუ ეროვნული ნაკრების დონეზე. დანარჩენები მეტნაკლებდ პლიუსშია. ასე, რომ რეალურ აზროვნებას გირჩევდი.
bibi
15:28 22-01-2016
0
ეს აღმასკომი საფეხბურთო საზოგადოების არჩეულიაო, რომ ამბობთ ტარიელ ბატონო, ისიც მოყევით ბარემ თუ როგორ მოატეხინეთ პირადად თქვენ აღამასკომიდან "ზესტაფონის" კანდიდატი იმის შიშით რომ კოკაია და მისი გუნდი დღევანდელ აღვირახსნილობას არ გაგაბედინებდნენ და როგორ დანიშნეთ აღმასკომში ინჯიას ბიჭი
სიმართლე მიყვარს მე!
15:19 22-01-2016
0
რატომ არ იძახის არც ერთი მხარე რამდენია ხელფასი?!
გულშემატკივარს 3 ლარი არ აქვს რომ ბილეთი იყიდოს ხომ არ ესჰინიატ რომ პანჩურებით არ გაყარონ ეს....
ნოდარი
15:10 22-01-2016
0
კიდე ერთხელ ვიმეორებ ფეხბურთის ფედრაციის ჩინოსნების შედარება მთავრობასთან და მითუმეტეს სახელმწიფოსთან აფსურდი და დემაგოგიაა .ამის საპირისპირო აქ ვერავინ ვერაფელი დაწერა და ვერც დაწერს ფეხბურთის ფედრაცია არის ავტონომიური ერთეული და ფინანსდება ქვეყნის გარედან ხოლო თუ რამეს მთავრობა აძლევს პრიორიტეტებსაც ის განსაზღვრავს. იმ თანხით რა უნდა დაფინანსდეს.
quTaiseli
15:01 22-01-2016
0
კომენტარებიდან ვეთანხმები "თენგო"-ს და "ალეკო"-ს. ვთვლი რომ კალათბურთს, რაგბის და სხვა წარმატებულ სპორტის სახეობებს მეტი მიხედვა ჭირდებათ, რადგან მათ მსოფლიო ფედერაციებიდან არ აფინანსებენ. შედეგები კი ფეხბურთელებზე ბევრად უკეთესი აქვთ(მარტო ფაჩულიას და გორგოძის წარმატება რად ღირს), ამიტომ სახელმწიფომ მათთვის მეტი თანხები უნდა გამონახოს. ისე, ბონუსური სისტება მინისტრებსაც შეთავაზოს ბატონმა ტარიელმა. ყოველთვიური ანგარიში წარადგინონ და იმის მიხედვით მიიღონ ანაზღაურება. ეჭვი მაქვს, ჩვენი მინისტრები, ერთი-ორი გამონაკლისის გარდა, საერთოდ უხელფასოდ დარჩებიან.
ლევანი
14:42 22-01-2016
0
რასაც მწვრთნელს აძლევენ ხელფასს ის რომ ფეხბურთელებზე გადაანაწილო და უთხრა "ამ ფულს თქვენ მიიღებთ გამარჯვების შემთხვევაშიო",ჩათვალეთ მოიგებენ.აბა 10 ლარი 27 თეთრი გერგება და შაურმა ჭამეო,არავინ ითამაშებს. ამათ ქართველობაზე ვერ დაუწყებ ლაპარაკს,ფული ურჩევნიათ!ამიტომ ფული უნდა მისცე,მერე კი რამე გამოჩნდება!ჯერ იქნება ჩემპიონატზეც გავიდეთ.
avoieee
14:37 22-01-2016
0
ეეხ ტარიელ , ტარიელ :) რა ყველა ძველი ბიჭები ხართ კაცოო ? კი ნუ ვითომ დიპლომატობ ძმაო , პირდაპირ თქვი , დაასახელე ციფრი , რამდენს იღებს ხელფასს , ან ითხოვს და რამდენის მიცემას ფიქრობ . მერე გამოიტანს დასკვნას საფეხბურთო სამყარო , რასთან გვაქვს საქმე.
ერთსაც გეტყვი , თუ გიტყდება საქვეყნოდ ყველაფერზე საუბარი , მაშინ დაჯექით შენ და ცხადაძე ვიწრო წრეში და დაილაპარაკეთ ადამიანურად და საქმიანად . ჩამოყალიბდით და ისე იმოქმედეთ თუ ილაპარაკეთ . ერთიც კიდევ , არც ერთი ხართ ანდრო ჯორდანია და არც მეორე დიდი ნოდარ ახალკაცი . ორივე ჯერ კიდევ საეჭვო კომპეტენციის ბრძანდებით ფეხბურთში და ზოგადად სპორტში .ამიტომ მეტი იფიქრეთ და პიროვნული ამბიციები გვერდზე გადადეთ .
gerchi
14:19 22-01-2016
0
საქართველოს ფეხბურთის ფედერაცია ვალდებულია შეასრულოს ხელშეკრულებით ნაკისრი ვალდებულებები!...როგორც ჩანს შავბნელ ძალებს ხელს აძევს ლევან კობიაშვილის დასუსტება,რადგან რაც ხდება პირდაპირ ურტყავს მის სახელს...
არტაგი
13:58 22-01-2016
0
მთავრობის და ფეხბურთის ფედრაციის შედარება მითუმეტეს სახელმწიფო ინსტიტუტების სრული აფსურდი და დემაგოგია ფეხბურთის ფედრაცია დამოუკიდებელი ერთეულია და არა ხალხის მიერ დაქირავებული ორგანიზაცია რომელიც ხელმძღვანელობს მხოლოდ ფიფასა და უეფას წესდებით და აქვს ავტონომიური დაფინანსება.
qutaiseli
13:56 22-01-2016
0
მთავრობის და ფეხბურთის ფედრაციის შედარება მითუმეტეს სახელმწიფო ინსტიტუტების სრული აფსურდი და დემაგოგია ფეხბურთის ფედრაცია დამოუკიდებელი ერთეულია და არა ხალხის მიერ დაქირავებული ორგანიზაცია რომელიც ხელმძღვანელობს მხოლოდ ფიფასა და უეფას წესდებით და აქვს ავტონომიური დაფინანსება.
qutaiseli
13:56 22-01-2016
0
შენც მაგ პრინციპით დაინიშნე ხელფასი მინისტრო და ფედერაციაშიც შესთავაზე, თუ მარტო დებს მწვრთნელი შედეგს? ისე მთელი მთავრობა გადავიყვანოთ მაგ სისტემაზე და შევაჯამოთ თქვენი შედეგები. კობისაც რომ სახელს უფუჭებ ხვდები ისე ტარიელ?
ალეკო
13:43 22-01-2016
0
გარდაქმნები გარდაუვალია და ვეთანხმები ერთ ჭეშმარიტებას ხელფასი უნდა ქონდეს ნაკრების მწვრთნელს ამ გუნდის დონის შესაფერისი მორჩა და გათავდა და ვისაც ეს არ მოწონს ცივი წყალი დალიოს კობიაშვილი თუ ამ გზას გადაუხვევს და ფეხბურთის ფედაციასი შექმნილ ფინანსურ ბარდაგს წერტილს არ დაუსვამს ის სიჭინავას ბედს გაიზიარებს.
qutaiseli
13:42 22-01-2016
0
მართლა არ მესმის საიდან ამხელა ამბიცია ცხადაძეს?! რატომ არ ეყოფა თვეში 15 000 ლარი?! ეგეც ეხლა პელეს მარადონას და მესის არ "აწარმოებდეს" არავინ არ ფიქრდებით რომ ესეთ გაჭირვებულ ქვეყანაში 10 თამაშის წაგების გამო მწვრთნელს ასიათასობით ხელფასი ჩვენი ჯიბეებიდან არ უნდა მიქონდეს სახში ყოველთვიურად?!
Anzori
13:35 22-01-2016
0
სამინისტრო ნაწილობრივ მაინც ჩაერევა ფედერაციის საქმიანობაში, რადგან გარკვეულწილად ის აფინანსებს. თუმცა, ნაკრების მთავარი მწვრთნელის დანიშვნა მთლიანად ფედერაციის პრეროგატივა უნდა იყოს.
ფეხბურთის ფედერაცია ყველაზე მდიდარია დანარჩენ ფედერაციებს შორის. მათ ფიფა აფინანსებს და ბევრად მეტი შემოსავალი აქვთ, ვიდრე სპორტის ყველა სახეობას ერთად. ამაზე თუნდაც მათი ოფისი და იქ გაჩერებული ძვირადღირებული მანქანები მეტყველებს. შედეგს კი მინიმალურსაც ვერ აღწევენ. კალათბურთთან შედარებით ხომ საერთოდ, ფეხბურთის დონე ბევრად დაბალია. ჰოდა, ისეთ სახეობებს მიხედეთ, სადაც წარმატებებს ვაღწევთ, კალათბურთი, რაგბი. აგერ, წყალბურთელებიც რაღაც შედეგს აღწევენ. ყველაზე მეტად მაინც კალათბურთი, რადგან მსოფლიოში გავრცელებული მასიური სპორტია, თანაც ყველაზე მეტად კომერციული. ანუ, იქ ჩადებული ფული უკან დიდი მოგებით დაბრუნდება.
თენგო
13:27 22-01-2016
0
ნუ შექმენით ცხადაძისგან ბილარდო აზერების ჩემპიონატს რა უთხარი ამხელა ხელფასი არაფერში ესაა პატრიოტიზმზე თავის დადება
smert
13:14 22-01-2016
0
ტარიელ ხეჩიკაშვილი: "ჩვენ ისე უნდა ვიმოქმედოთ, რომ სახელმწიფო კლუბები კერძო კლუბებად გარდაიქმნან"...

ჟურნალისტებო!როგორ გახდეს კლუბი მომგებიან ამ თემაზე რატომ არ გიყვართ წერა?
გუჯა კახაძე
12:37 22-01-2016
0
მე მომხრე ვიყავი ფედერაციის პრეზიდენტად კობიაშვილის მოსვლისა, რადგან მჯეროდა რომ პატიოსნად ჩადგებოდა ქართული ფეხბურთის სამსახურში,რაშიც უკვე ეჭვი შემეპარა.ხეჩიკაშვილების და მისნაირების კი დიდი ხანია აღარ მჯერა.ცხადაძე უნდათ გაუყოლონ სიჭინავას კვალს,რაც დიდი უსამართლობაა.ვეკითხები ფეხბურთის გულშემატკივრებს და ზოგადად ქართველ ხალხს, როდემდე უნდა გვაყარონ თვალში ნაცარი და გვ...ან თავზე,როდის დადგება ხმის ამოღების დრო თუ ის უკვე დამდგარი არ არის?
Beso
12:25 22-01-2016
0
ჩემის აზრით, თუ ცხადაძე წავიდა და გეგუჩაძე დაინიშნა, მაშინ ამ მინისტრის მტკიცება, რომ ფედერაციის საქმიანობაში არ ერევა, აბსურდად დარჩება. ვნახოთ როგორ განვითარდება მოვლენები. გეგუჩაძეს 1500 ლარიც რომ მისცე ხელფასი, თანახმა იქნება. ცხადაძე კი სხვა დონეა. ხომ არ იცით, სად აქვს ნამუშევარი (ფეხბურთის თამასზე ხომ ლაპარაკი ზედმეტია)გეგუჩაძეს საქართველოს გარდა? თბილისი, ზესტაფონი, ქუთაისი. აი ეს არის მისი მოქმედების არიალი. ჯერ საქართველოს ჩემპიონატი რა ვთქვი და მერე იქ წარმატებული მწვრთნელის დონე.
bagrat
12:23 22-01-2016
0
სიახლეები პოპულარული