საქართველოს ფეხბურთის ფედერაციის "ფეისბუქის" გვერდზე გამოქვეყნდა ბმული, სადაც გულშემატკივრებს 29 მარტს "დინამო არენაზე" გასამართ საქართველო-გერმანიის მატჩზე დასასწრები ბილეთების შეძენა ინტერნეტით შეუძლიათ.ბილეთების ონლაინ-შეძენა ამ მისამართზე შეგიძლიათ, რისთვისაც დაგჭირდებათ:
1. რეგისტრაცია;
2. სტადიონზე ფასისა და მდებარეობის მიხედვით ადგილის არჩევა;
3. თანხის გადახდა;
4. თანხის ჩამოჭრის შემთხვევაში ბილეთები უკვე თქვენია;
5. 28 მარტის ჩათვლით, ნაყიდი ვაუჩერის ორიგინალ ბილეთში გადაცვლა "დინამო არენის" ონლაინ-გაყიდვებისათვის სპეციალურად გამოყოფილ ჯიხურში შეგიძლიათ.
საქართველო-გერმანიის მატჩზე დასასწრები ბილეთები უკვე იყიდება ბორის პაიჭაძის სახელობის "დინამო არენის" სალაროებში, ყოველდღე, 11:00-დან 18:00 საათამდე.
ბილეთების შეძენისას მოქმედებს საგანგებო ლიმიტები. ერთი ფიზიკური პირი შეძლებს მხოლოდ 15 ბილეთის შეძენას.
საქართველოსა და გერმანიის ეროვნული ნაკრებების ევროპის ჩემპიონატის საკვალიფიკაციო ეტაპის მატჩი გაიმართება 29 მარტს, 20:00 საათზე, "დინამო არენაზე".
