Transfermarkt-ის ინფორმაციით, ვლადიმირ ვაისის გუნდის მომდევნო მატჩი 7 ივნისს გაიმართება, ამხანაგურ მატჩში საქართველოს ეროვნული ნაკრები სენტ კიტსისა და ნევისის გუნდს უმასპინძლებს. ამ ინფორმაციაზე კომენტარს სფფ-ში ჯერჯერობით არ აკეთებენ.
სენტ კიტსი და ნევისი სახელმწიფოა კარიბის ზღვაში, რომელიც ორი მთავარი კუნძულისგან შედგება. მოსახლეობა სულ რაღაც 50 ათასი ადამიანია. ამის მიუხედავად, სენტ კიტსისა და ნევისის ნაკრები საქართველოზე (126) გაცილებით წინაა რეიტინგში - 73-ე ადგილზეა.
"ტრანსფერმარკეტის" ინფორმაციით, კუნძულელები 4 ივნისს სომხეთს, ხოლო 7 ივნისს საქართველოს ეწვევიან.
