საქართველოს ფუტსალის ეროვნული ნაკრების მეკარე ზვიად კუპატაძემ შვეიცარიასთან მოპოვებული გამარჯვების შემდეგ Sportall.ge-სთან კომენტარი გააკეთა.შეგახსენებთ, რომ 27 იანვარს, თბილისის ოლიმპიურ სასახლეში საქართველოს ფუტსალის ეროვნულმა ნაკრებმა ევრო 2018-ის პირველი საკვალიფიკაციო ეტაპის A ჯგუფის გადამწყვეტი, მესამე შეხვედრა შვეიცარიის ნაკრების წინააღმდეგ ჩაატარა და ანგარიშით 6:3 იმარჯვა. მატჩში გასული ბოლო გოლი სწორედ ჩვენი მეკარის ანგარიშზეა.
- ევრო 2018. შესარჩევი ეტაპი: საქართველოს ნაკრებმა ჯგუფში პირველი ადგილი დაიკავა
"გულშემატკივრების როლი ასეთ დროს ძალიან დიდია. ჩვენ ეს ვიცოდით, დარწმუნებულები ვიყავით, რომ ერთად ყოფნით ამ შედეგს მივაღწევდით და
ევროპის ჩემპიონატზე უნდა გავიდეთ. ეს ჩემი ოცნებაა და ეს რეალურიცაა. გპირდებით, მინსკში ვიომებთ და ამ ომში თქვენ, გულშემატკივრებიც გვჭირდებით. იქ ჩასვლა რთული არაა, ამიტომ გთხოვთ, წამოდით ჩვენთან ერთად და მხარი დაგვიჭირეთ!", - განაცხადა კუპატაძემ.
შეგახსენებთ, რომ მეორე საკვალიფიკაციო ეტაპი აპრილში მინსკში ჩატარდება. საქართველოს ნაკრების მეტოქეები იტალია, ჰოლანდია და ბელარუსი იქნებიან.
