სატრანსფერო სიახლეები
ყველაზე კითხვადი სტატიები
არქივის კალენდარი
«« დეკემბერი 2016 »»
ორ სა ოთ ხუ პა შა კვ
282930 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31 1
რატომ ითხოვენ კლუბები ბიუჯეტში ფულს სარვამარტო საჩუქრებისთვის...
AutoSharing Option
14:00 25-03-2016
"ქართული ფეხბურთის განვითარების ფონდის" მიმართ ინტერესი არახალია. მას შემდეგ, რაც სახელმწიფო პროგრამა ამუშავდა, მის საქმიანობასთან და ფულის გადარიცხვის დეტალებთან დაკავშირებით ბევრი კითხვა დაიბადა და ბევრიც დასაზუსტებელია.

კლუბებში ინფორმაციას ფლობენ, მაგრამ სრულ დეტალებში ვერ ერკვევიან. ცხადია, გაუგებრობებიც ხდება. მაგალითად, გავრცელდა ხმები, თითქოს, ფული ჯერ მხოლოდ კერძო კლუბებს გადაურიცხეს, ხოლო მუნიციპალურებს ჯერ არ მიუღიათ.

"ლელო" ფონდის ხელმძღვანელ ზაზა დოლიძეს თემასთან დაკავშირებულ საინტერესო საკითხებზე ელაპარაკა...

- ჯერ დავიწყოთ იმით, რაზეც "ლელოსთან" რამდენიმე კლუბის წარმომადგენელმა დაიჩივლა - ყველას აინტერესებს, როდის დაერიცხებათ თანხა? ამბობენ, თითქოს, მხოლოდ კერძო კლუბებმა მიიღეს თანხა, მუნიციპალურებმა კი ჯერ არა...
- რაც შეეხება ფულის დარიცხვას, კლუბების უმეტესობას, კერძოსაც და მუნიციპალურებსაც, თანხები მიღებული აქვს. მხოლოდ ორი კლუბი დარჩა, რომელთა მოთხოვნაც მუშავდება და ფული მალე დაერიცხებათ.

- რომელ კლუბებზეა ლაპარაკი?
- გორის "დილასა" და ბათუმის "დინამოზე". უახლოეს დღეებში ეს საკითხიც მოგვარდება და მიმდინარე მდგომარეობით, არსებულ ხარჯებს გავისტუმრებთ.

ძალიან მოკლე დროში სერიოზული ფინანსური სტრუქტურა ავაწყვეთ და ვმუშაობთ იმისთვის, რომ ქართულ ფეხბურთში დაფინანსების კუთხით არსებული არასტაბილური ვითარება შევცვალოთ. ამიტომ მაკვირვებს, საიდან ვრცელდება ასეთი ხმები?! ადრე თუ გვიან მაინც ყველა მიხვდება, რომ ქართული ფეხბურთისთვის სასიკეთო საქმე კეთდება.

- არსებობს პარამეტრები, თუ როგორ გადანაწილდება კლუბის ბიუჯეტი?
- სტანდარტად, სახელმწიფო პროგრამის მიხედვით გაწერილი საბაზისო დაფინანსების მოდელი გვაქვს აღებული. ვინაიდან ამ ეტაპზე დაფინანსება უკვე დაგეგმილი ბიუჯეტების პირობებში გვიხდება, იძულებულნი ვართ, ყველა კლუბის შემთხვევა ინდივიდუალურად განვიხილოთ და მაქსიმალურად დავეხმაროთ, რათა აღებული ვალდებულებები მიზნობრივად და ჯეროვნად შეასრულონ.

- მაგალითად, ხომ შეიძლება ფულის დიდი ნაწილი ხელფასებზე
You must have Flash Player installed in order to see this player.
დაიხარჯოს? არის მექანიზმი, რომ კლუბებს ეს აუკრძალოთ?

- მარტო ხელფასებზე ისედაც ვერ დახარჯავენ, რადგან ფული გუნდს ათასგვარ რამეში სჭირდება. მაგალითად, ყველა ინახავს დუბლშემადგენლობებისა და ჭაბუკთა ასაკის გუნდებს. ასევე აქვთ კლუბის ფუნქციონირებისთვის საჭირო უამრავი ხარჯი და ცხადია, ფინანსები ამისათვისაც სჭირდებათ.

გარდა ამისა, ვცდილობთ, ყველა კლუბში პრემია, რომელსაც სახელმწიფო დაფინანსებით მიიღებენ, ლოგიკური და სტანდარტული გახდეს. პროგრამის თანახმად, 2016 წლის ზაფხულამდე უმაღლესი ლიგის კლუბების ბიუჯეტები განისაზღვრა 800 ათასი ლარით, პირველლიგელების - 300 ათასით, ხოლო მეორე ლიგაში - 50 ათასით. მაგრამ მათ მოეთხოვებათ, მიმდინარე ხარჯების დამადასტურებელი სრული დოკუმენტაცია წარუდგინონ ფონდს და ამის მერე მიიღონ დაფინანსება.

- რას გულისხმობთ?
- მაგალითად, ბიუჯეტებში თუ ჩაწერენ რბილი ავეჯის, სარვამარტო ან წაგებულ მატჩზე გასაცემ პრემიებს, ბუნებრივია, გაჩნდება კითხვები - საფეხბურთო კლუბი ამ არამიზნობრივ თანხას რატომ ითვალისწინებს ბიუჯეტში?

- იყო ასეთი შემთხვევები?
- კონკრეტულ მაგალითებს ვერ დაგისახელებთ, მაგრამ ასეთი შემთხვევებიც იყო.

- ბავშვთა ფეხბურთსა და ინფრასტრუქტურაზე ფულის დახარჯვა გათვალისწინებულია?
- ფეხბურთის განვითარება მწვრთნელთა განათლების, შესაბამისი საფეხბურთო ინფრასტრუქტურისა და ბავშვთა ფეხბურთის გარეშე წარმოუდგენელია. ეს არის საფუძველი, რაზეც უნდა დაშენდეს მდგრადი განვითარების სისტემა, რომელიც დაგვაბრუნებს იმ შედეგებთან, რაც ტრადიციულად გვქონდა და რისი პოტენციალიც ძალიან დიდი აქვს ქართულ ფეხბურთს...

მოგეხსენებათ, პროგრამა ხუთწლიანია, კიდევ ხუთი წლით გაგრძელების პერსპექტივით. უკვე საწყის ეტაპზევე, კლუბების საბაზისო დაფინანსების კომპონენტია სფფ-ისა და უეფას ლიცენზირებით გათვალისწინებული 17 და 15-წლამდელთა ჭაბუკთა გუნდების დაფინანსება. ჩემი ინფორმაციით, ამ ჩამონათვალს მომავალი წლიდან 13-წლამდელთა გუნდის ყოლაც დაემატება.

ასევე, ფონდის მიზანია, მოიზიდოს სახსრები და დააფინანსოს უფრო დაბალი ასაკის ბავშვთა გუნდები, ისინი ეკიპირებითა და სხვადასხვა ინვენტარით უზრუნველყოს, დააფინანსოს ასაკობრივ ტურნირებში მათი მონაწილეობა და სხვა მიზნობრივი ღონისძიებების ორგანიზება.

რაც შეეხება ინფრასტრუქტურის კუთხით დაგეგმილ სამუშაოებს, მომავალი წლიდან სახელმწიფო პროგრამითა და დონორების დახმარებით შემუშავდება ჩასატარებელი სამუშაოების დეტალური გეგმა-გრაფიკი.

(იბეჭდება მცირე ცვლილებით)
ყოველდღიური სპორტული გაზეთი "ლელო"
dave
12:07 26-03-2016
უცნობს - სახელმწიფო ვერცერთ კლუბს ვერ ჩააყენებს უპირატეს მდგომარეობაში, ამიტომ როდესაც ერთანირ დაფინასნებას უკეთებს ყველა გუნდს ძალიან სწორია, თუ აქვთ შნო თვითონ გუნდის მმართველებმა მოიძიონ სპონსორი და მიიტანონ კლუბში ფული. რაც შეეხება მეორე ლიგის გუნდის 50000 ლარით დაფინასნებას, დარწმუნებული ვარ რომ, აქამდე მაგდენსაც ვერ იღებდნენ და ენთუზიამზე თამაშობდნენ სახლიდან მოტანილი ბურთით :)
dazmo
18:58 25-03-2016
სანტლიტ რო ეზებოტ ესეტ კაცს ფედერაციასჰი კი არა ირგვლივ ზნელად ტუ სჰეხვდებიტ/// ტუ მისცეს გასაქანი და ხელი არ სჰეუსჰალეს 100% დარწმუნებული ვარ სულ მალე დაიდება სჰედეგიც