სატრანსფერო სიახლეები
არქივის კალენდარი
დინამო (თბ)-სლოვანი 5:2 - ოთხიდან ოთხი! [VIDEO]
AutoSharing Option
10:00 11-02-2016
PLAYER_GET_VIDEOFLASH
თბილისის "დინამომ" თურქულ შეკრებაზე მეოთხე მატჩი გამართა და მეოთხე გამარჯვება მოიპოვა. ამჯერად, იურაი იარაბეკის შეგირდებმა ბრატისლავის "სლოვანი" დაამარცხეს.

პირველი 15 წუთის განმავლობაში უპირატესობას მეტოქე ფლობდა, ამის შემდეგ კი შეხვედრა "დინამოს" უპირატესობით წარიმართა.

ჯერ ალექსანდრე იაშვილმა პენალტით, მერე კი გიორგი ქვილითაიამ აიღეს მოწინააღმდეგის კარი და დიდწილად განაპირობეს სპარინგის საბოლოო შედეგი.

მეორე ნახევარში სამსვლიანი კომბინაცია ზუსტი დარტყმით დაასრულა ვახტანგ ჭანტურიშვილმა. მერე ოთარ კიტეიშვილის პასით ნიკა გელაშვილმა იხეირა, რასაც სლოვაკთა პენალტი და გოლი მოჰყვა.

მერე ისევ გელაშვილმა გამოიჩინა თავი. ბოლოს კი "სლოვანმა" კიდევ ერთი ბურთი შეაგდო და საბოლოო ანგარიში ასეთი გამოვიდა - 5:2 "დინამოს" სასარგებლოდ.

დინამო: ბეგაშვილი (ჰრდლიჩკა), ჭელიძე (გველესიანი), რენე ფერეირა, ამისულაშვილი, გურული (თევზაძე), ცინცაძე, ალვარო (პარუნაშვილი), ჯიღაური (ს. ლობჟანიძე), ჭანტურიშვილი (ჯანელიძე), იაშვილი (კიტეიშვილი), ქვილითაია (გელაშვილი).

მორიგ (და ბოლო) სპარინგს "დინამო" 13 თებერვალს, ლვოვის "კარპატისთან" ჩაატარებს, მეორე დღეს კი სამშობლოში დაბრუნდება.

ყოველდღიური სპორტული გაზეთი "ლელო"
ოხ ამათი
19:48 11-02-2016
და რატომ არა ლიგა?მითუმეტეს უშანსოდ მოუგო ლიგის ბინადარს(ბატეს)
giorgi
18:33 11-02-2016
იქნებ დაწეროთ ვინც იცის, ვინაიდან სტატიის ავტორი საერთოდ არ აგხსენებს, უჩა ლობჟანიძეს ტრამ აქვს თუ რატომ არ თამაშობს ბოლო თამაშებია? და თუ ტრამვა აქვს რამდენად სერიოზული? კაკაბაძეს როგორც ვიცი ტრამვა აქვს... ტვილდიანიც წავიდა... მოკლედ რა ხდება მარჯვენა ფრთაზე??