თბილისის "დინამო" ევროსარბიელისთვის გაძლიერებას აპირებს.საქართველოს დავით ყიფიანის თასის მფლობელი თბილისის "დინამო" მოახლოებული ევროსარბიელისთვის გაძლიერდება. ამის შესახებ Sportall.ge-ს თბილისელთა თავკაცმა გია გეგუჩაძემ აცნობა.
როგორც "დინამოს" თავკაცი განმარტავს, ბევრი ფეხბურთელის კანდიდატურა განიხილება, კონკრეტული გვარების დასახელებისგან კი ამ ეტაპზე თავს იკავებს.
- კიშინიოვის "დაჩიაში" ფინანსური პრობლემებია და ქართველ ფორვარდებს, რომლებიც ამ გუნდის მაისურით ასპარეზობდნენ, გუნდიდან წამოსვლა სურთ. განიხილავთ ჯაბა დვალის კანდიდატურას?
- პირველად მესმის, რომ დვალი "დაჩიადან" მოდის. ორი კვირის წინ ვესაუბრე მას და მითხრა, რომ გუნდში ყველაფერი რიგზე იყო.
- გამორიცხავთ
- გამორიცხული არაფერია. მისი კანდიდატურის განხილვას წინ არაფერი უდგას, ისევე, როგორც ბევრი სხვა ფეხბურთელის.
- ევროსარბიელისთვის გაძლიერებას აპირებთ?
- დიახ, გუნდი გაძლიერდება. როგორც გითხარით, ბევრი მოთამაშის კანდიდატურა განიხილება, თუმცა ამ ეტაპზე, კონკრეტული არაფერია. განხილვა იქნება და ვინც საჭირო იქნება, მათ დავიმატებთ.
![ეროვნული ლიგა. IX ტური. "გაგრა" - "დინამო" (თბ) [LIVE]](/pictures/image7/59c49b76a32c416bb8a913c48214c59e.png "ეროვნული ლიგა. IX ტური. \"გაგრა\" - \"დინამო\" (თბ) [LIVE]")
![ეროვნული ლიგა. VIII ტური. "დინამო" (თბ) - "კოლხეთი" [LIVE]](/pictures/image7/561d5ff7131c5b2c63dbc262099c8520.jpg "ეროვნული ლიგა. VIII ტური. \"დინამო\" (თბ) - \"კოლხეთი\" [LIVE]")
