U21. შვედეთი-საქართველო 3:2 - აღარც თეორიული შანსი

3 ივნისს საქართველოს 21-წლამდელთა ნაკრები ევროპის 2017 წლის საკვალიფიკაციო მატჩში შვედეთს ესტუმრა, 2:3 დამარცხდა და ევროპის ჩემპიონატის ფინალურ ეტაპზე მოხვედრის თეორიული შანსიც დაკარგა.

26-ე წუთზე ქართველთა კარში პენალტი დაინიშნა, რომელიც კაპიტანმა კრისტოფერ ოლსონმა გოლად აქცია.

35-ე წუთზე გიორგი ხარაიშვილის პასით ბაჩანა არაბულმა გაათანაბრა.

78-ე წუთზე ემილ კრაფტმა კვლავ მასპინძლები დააწინაურა, მაგრამ 89-ე წუთზე საქართველოს ახალგაზრდული ნაკრების კაპიტანმა ოთარ კიტეიშვილმა გაათანაბრა - 2:2.

შვედებმა მსაჯის მიერ კომპენსირებულ მე-5 წუთზე ჯორდან ლარსონის გატანილი გოლის წყალობით მოიგეს.

გია გეგუჩაძის გუნდს 8 თამაშიდან მხოლოდ 9 ქულა აქვს და საკვალიფიკაციო ჯგუფში მე-4 ადგილზეა. შვედები 7 თამაშიდან 16 ქულით მეორე ადგილზე არიან.

ევროშესარჩევის მორიგ მატჩს საქართველოს ახალგაზრდული ნაკრები 1-ელ სექტემბერს, სტუმრად ესტონეთის წინააღმდეგ გამართავს.

U21. ევროპის 2017 წლის ჩემპიონატი. შესარჩევი ციკლი. VI ჯგუფი
უდევალა, რიმნერსვალენი
შვედეთი-საქართველო 3:2
გოლები: 1-0 ოლსონი (27), 1-1 არაბული (35), 2-1 კრაფტი (77), 2-2 კიტეიშვილი (89), 3-2 ლარსონი (90)
შვედეთი: ერლანდსონი, კრაფტი (87’ სუნდბერგი), ვალქვისტი, ნილსონი, კონატე, ტანკოვიჩი, ფრანსონი, ოლსონი (კ), ზენელი (90’ ლარსონი), ენგვალი, მობერგ-კარლსონი (62’ გუსტავსონი)
მთ. მწვრთნელი: ჰაკან ერიქსონი
საქართველო: გოშაძე, გეგეჭკორი, მარგველაშვილი, ჩაბრაძე, გვილია, გოროზია, არაბული (72’ შენგელია), კაჭარავა (80’ ზივზივაძე), კიტეიშვილი (კ) (90’ თევზაძე), ცნობილაძე, ხარაიშვილი
მთ. მწვრთნელი: გია გეგუჩაზე
მსაჯები: მარკუს ჰამეტერი, როლანდ რიდელი, როლანდ ბრაუნშმიდი, ჯულიან ვინბერგერი (სათადარიგო)
გაფრთხილება: 20’ ვალქვისტი, 26’ ჩაბრაძე, 54’ არაბული.