ამორიმი "ლივერპულის" ჩაბარებასთან ახლოსაა

დიდი ალბათობით, სეზონის დასრულების შემდეგ "ლივერპულს" რუბენ ამორიმი ჩაიბარებს. ამის შესახებ Sky Sports-ი იტყობინება.

წყაროს ცნობით, პორტუგალიელმა "სქაუზერების" წარმომადგენლებთან მოლაპარაკებები უკვე გამართა და მხარეები შეთანხმებასთან ახლოს არიან.

თუ "მერსისაიდელები" არჩევანს 39 წლის სპეციალისტზე გააკეთებენ, მაშინ ბრიტანელებს პორტუგალიელის "სპორტინგიდან" კონტრაქტის გამოსყიდვა 10 მილიონ ევროდ მოუწევთ.

ცნობილია, რომ "ლივერპული" იულიან ნაგელსმანის, რობერტო დე ძერბის, პეპ ლაინდერსისა და ჩაბი ალონსოს კანდიდატურებსაც განიხილავს, თუმცა ამორიმი ამ მომენტისთვის მთავარი ფავორიტია.

მისი გაწვრთნილი "სპორტინგი" ამ დროისთვის პორტუგალიის ჩემპიონატს 71 ქულით ლიდერობს და მეორეადგილოსან "ბენფიკას" 4 ქულით უსწრებს.

"ლივერპულს" ამორიმის გადასაბირებლად "სპორტინგისთვის" თანხის გადახდა მოუწევს

"ფული არ გვაქვს" - ამორიმიმ რონალდოს შესაძლო დაბრუნებაზე ისაუბრა