უეფას 2020 წლის სუპერთასის მატჩის მასპინძლობის სურვილი 9 ეროვნულმა ასოციაციამ გამოთქვა.არჩევანს კი უეფა 2018 წლის მაისში გააკეთებს.
სტადიონის ასარჩევი კონკურსი 2017 წლის 8 დეკემბერს დაიწყო. ასოციაციებს განაცხადის შეტანა 12 იანვრამდე შეეძლოთ.
აღსანიშნავია, რომ იმ ასოციაციებს, რომლებიც ევროპის ჩემპიონატის ფინალური სტადიის მატჩებს უმასპინძლებენ, განაცხადის შეტანის უფლება არ ჰქონდათ.
უეფას 2020 წლის სუპერთასის მასპინძლობა სურთ:
- ალბანეთი, ტირანა, "ეროვნული"
- ბელორუსი, მინსკი, "დინამო"
- ისრაელი, ჰაიფა, "სამი ოფერი"
- ყაზახეთი, ალმათი "ცენტრალური"
- მოლდოვა, კიშინიოვი, "ზიმბრუ"
- პორტუგალია, პორტუ, "დრაგაუ"
- ჩრდილოეთი ირლანდია, ბელფასი, "უინძორ პარკი"
- ფინეთი, ჰელსინკი, "ოლიმპიური"
- საფრანგეთი, ნიცა "სტად-დე-ნისი"
