ინგლისმა იტალიას მოუგო და ევრო 2024-ზე გავიდა - სპალეტის გუნდი ჯგუფში ჩარჩება?

ევროპირველობის საკვალიფიკაციო ეტაპზე C ჯგუფში დაძაბული და საინტერესო მატჩები გაიმართა.

ინგლისმა სახლში იტალიას თამაში შემოუტრიალა. კეინმა დუბლი შეასრულა - მან ეროვნულ გუნდში ბოლო 30 შეხვედრაში 27 გოლი გაიტანა და 6 საგოლე გადაცემა გააკეთა.

ლონდონი. „უემბლი“
ინგლისი - იტალია 3:1
გოლები: 0:1 სკამაკა (15), 1:1 კეინი (32, პენ), 2:1 რეშფორდი (57), 3:1 კეინი (77)

უკრაინა სტუმრად მალტასთან თავიდან აგებდა, თუმცა გამარჯვების მოპოვება შეძლო.

ტაქალი. „ნაციონალი“
მალტა - უკრაინა 1:3
გოლები: 1:0 მბონგი (12), 1:1 კამენზული (38, საკ. კარში), 1:2 დოვბიკი (43, პენ), 1:3 მუდრიკი (85)

ჯგუფში ინგლისი 16 ქულით ლიდერია, რომელმაც ევრო 2024-ის საგზური მოიპოვა. მეორე ადგილზე 13 ქულით უკრაინაა (კონკურენტებზე 1 მატჩით მეტი აქვს ჩატარებული), მესამეზე 10 ქულით იტალიაა, მეოთხეზე 7 ქულით - ჩრდილოეთი მაკედონია, მალტა კი უქულოდ აუტსაიდერია.