ანხელ დი მარიამ შესაძლოა კარიერა "ბარსელონაში" გააგრძელოს.
35 წლის არგენტინელს "იუვენტუსთან" კონტრაქტი სეზონის ბოლოს უმთავრდება და დიდი ალბათობით აღარ გაახანგძლივებს. გავრცელებული ინფორმაციის თანახმად, "ალბისელესტელს" საუდის არაბეთიდან და თურქეთიდან ("გალათასარაი") დაუკავშირდნენ, თუმცა მსოფლიოს მოქმედი ჩემპიონისთვის მიზანი ევროპის წამყვან ლიგაში დარჩენაა.
Relevo-ს ცნობით, ანხელის სამსახურით ორი გუნდი "ბენფიკა" და "ბარსელონა" ინტერესდება, პორტუგალიურ მხარეს იმედი აქვს, რომ სამხრეთ ამერიკელი ვარსკვლავი დაბრუნდება იქ, სადაც ევროპულ კარიერას იწყებდა.
რაც შეეხება "ბლაუგრანას", კლუბი ერთ დროს ახლოს იყო დი მარიას ყიდვასთან, თუმცა მხარეებს შორის მოლაპარაკებები ჩაიშალა, ახლა
კი სიტუაცია რადიკალურად განსხვავებულია, შესაძლოა ყველაფერი ლიონელ მესის კატალონიაში დაბრუნებამ გადაწყვიტოს. არგენტინელებს ერთმანეთთან ახლო ურთიერთობა აქვს და ამ ფაქტორსაც დიდი მნიშვნელობა ექნება.
ჯერ-ჯერობით უცნობია გეგმა, თუ როგორ შეეცდებიან ანხელის დაყოლიებას, თუმცა ფაქტი ერთია, "სამეფო გუნდის" შემდეგ "ბლაუგრანას" მაისურით დი მარიას ხილვა საინტერესო იქნება.
მომზადებულია Sports-ის მიხედვით
![alt](/pictures/image50/ccb7119028dc894a3167ed279242673c.png ""ბარსელონა" და "ბენფიკა" დი მარიას დამატებას ცდილობენ - სავარაუდოდ არგენტინელი "იუვენტუსს" დატოვებს")
პელეს გარინჩა ჰყავდა, მესის დი მარია - ფეხბურთელი, რომელმაც 3 გასროლით ლეოს 3 ტიტული მოუტანა
!["იუვენტუსმა" იტალიის თასის ფინალში "ატალანტა" დაამარცხა [VIDEO]](/pictures/image7/e26585794b7c57566c4c1bfe65f049af.jpg "\"იუვენტუსმა\" იტალიის თასის ფინალში \"ატალანტა\" დაამარცხა [VIDEO]")
!["რეალი" თავის სტიქიაშია - ისევ დამაჯერებელი გამარჯვება მოიპოვა [VIDEO]](/pictures/image7/77351504eac25fcbc227734a9c5c615b.jpeg "\"რეალი\" თავის სტიქიაშია - ისევ დამაჯერებელი გამარჯვება მოიპოვა [VIDEO]")
