"რენთან" მატჩში "მეცის" თავდამსხმელის გიორგი მიქაუტაძის გაძევებას ფრანგულ მედიაში ფართო გამოხმაურება მოჰყვა. მეტოქე გუნდის ფეხბურთელმა არნო კალიმუენდომ ქართველთან შეჯახება აშკარად გააფორმა და შედეგსაც მიაღწია, რადგან ფიფას მსაჯმა რუდი ბუკემ ვიდეოგამეორების ნახვის შემდეგ მიღებული გადაწყვეტილება არ შეცვალა.
"მეცის" მწვრთნელმა ლასლო ბოლონიმ ნამატჩევს აღშფოთება ვერ დამალა: "არბიტრმა არასწორი გადაწყვეტილება მიიღო, რამაც შედეგზე გავლენა მოახდინა. პენალტი დასანიშნი არ იყო, მიქაუტაძის გაძევება კი საერთოდ აუხსნელია. არ ვიცი, უნდა ვიყვირო, ვიტირო თუ ვიცინო. რაც გულში მაქვს, ყველაფერი რომ ვთქვა, სადისციპლინო კომიტეტის სხდომაზე დამიბარებენ.
არიან გუნდები,
რომელთა აზრს უფრო მეტი ფასი აქვს. გადაწყვეტილება გაუგებარია. თუ VAR-ი გვაქვს, მოდით, გამოვიყენოთ. თუ გიორგი წითელ ბარათს იმსახურებდა, მაშინ ლიგა 1-ის ყოველ მატჩში არიან ფეხბურთელები გასაძევებელი. ჩვენ თავს ცოტა დაჩაგრულად ვგრძნობთ. ასეთი რამეები რეგიონალურ ტურნირებზეც არ ხდება. არავიზე არ მივანიშნებ, თუმცა როდესაც ვიღაც ბრმაა, თეთრ ხელჯოხს ხმარობს", - ციტირებს რუმინელ სპეციალისტს ouest-france.
მიქაუტაძის გოლი, საგოლე გადაცემა, გაძევება და "მეცის" დასანანი მარცხი [VIDEO]
![შეუჩერებელმა მიქაუტაძემ ზედიზედ მეექვსე მატჩში გაიტანა - "მეცმა" წაგება მაინც მოახერხა [VIDEO]](/pictures/image7/6443edc1c9bd871c7a6f0f3fe327fc33.jpg "შეუჩერებელმა მიქაუტაძემ ზედიზედ მეექვსე მატჩში გაიტანა - \"მეცმა\" წაგება მაინც მოახერხა [VIDEO]")
https://youtu.be/HzEjXHPCe-w?si=0qMurO0852I-xj-5