ჩაკვეტაძემ პირველად დაიწყო თამაში სასტარტოდან - "უოტფორდი" ისევ დამარცხდა

ჩემპიონშიფის მეათე ტურში „უოტფორდი“ გასვლაზე „სანდერლენდთან“ 0:2 დამარცხდა.

სტუმართა გუნდის მწვრთნელმა გიორგი ჩაკვეტაძე პირველად დააყენა სასტარტოში და 65-ე წუთზე შეცვალა. მან თავის გუნდში ყველა ანალიტიკური საიტისგან ყველაზე მაღალი შეფასება მიიღო.

„უოტფორდმა“ ზედიზედ მესამე მარცხი განიცადა, 9 ქულით ოცდამეერთე ადგილზეა და 7 ოქტომბერს სტუმრად „კარდიფ სიტის“ შეხვდება.

სანდერლენდი. „სტადიუმ ოფ ლაიტი“
სანდერლენდი - უოტფორდი 2:0
გოლები: 1:0 ჰაგინსი (43), 2:0 ბა (62)