"რანდერსი": ლობჟანიძე გავყიდეთ და ძალიან გავიხარეთ - ჩვენი მიზანი მუდამ მოგების ნახვაა

საბა "ანკარაგიუჯიუში" გაიყიდა

"რანდერსში" 91 მატჩში 32 გოლის ავტორი ლობჟანიძე თურქულ გუნდში გადავიდა, რომელსაც შემტევი სჭირდებოდა. კლუბებმა შეთანხმებას მიაღწიეს და ის ძალაში მყისიერად შედის.

"მიზანი ყოველთვის საბას გაყიდვა და მოგების ნახვა იყო, რამეთუ ზაფხულში კონტრაქტი უმთავრდებოდა. ჩვენ ეს შევძელით და ძალიან გახარებულები ვართ. რა თქმა უნდა, სპორტული თვალსაზრისით დავზარალდებით და გუნდს ძალიან დააკლდება, ვინაიდან უკანასკნელი წლების განმავლობაში ჩვენი ლიდერი იყო. მიუხედავად ამისა, ვთვლით, რომ ძლიერი გუნდი შევკრიბეთ, რათა ფინალურ ექვსეულში მოვხვდეთ", - ამბობს კლუბის კომერციული დირექტორი სერენ პედერსენი.