ალვარო მორატა: საქართველოში ყველა ნაკრებს გაუჭირდება

ესპანეთის ნაკრების ფორვარდმა ალვარო მორატამ საქართველოს ნაკრების 7:1 განადგურების შემდეგ კომენტარი გააკეთა და თქვა, რომ რთულ თამაშს ელოდნენ.

"მოგებით ძალიან ბედნიერი ვარ, ვიცოდით, თბილისში ადვილი თამაში არ გველოდა. რამდენიმე წლის წინ აქ ძალიან გაგვიჭირდა და ბოლო წუთებზე დანი ოლმოს გოლით მოვიგეთ. 

ვფიქრობ, სხვა ყველა ნაკრებს, რომელიც თბილისში სათამაშოდ ჩამოვა, ძალიან გაუჭირდება - საქართველოს ნაკრებს ადვილად ვერ მოუგებენ. ამ გუნდს ბევრი გაუმწარებია და საკუთარ მოედანზე კარგად თამაშობენ," - განაცხადა მორატამ. 

მადრიდის "ატლეტიკოს" თავდამსხმელმა ეროვნული გუნდის მაისურით პირველი ჰეთთრიკი, სწორედ საქართველოსთან მატჩში შეასრულა. მომდენო შეხვედრაში ესპანეთი კვიპროსს უმასპინძლებს. თამაში 12 სექტემბერს გაიმართება.