ოფიციალურად: საქართველოსა და ჩრდ. მაკედონიის შეხვედრა უმაყურებლოდ გაიმართება

ევროპის ჩემპიონატზე გასასვლელად საქართველოს ეროვნულ ნაკრებს ერთადერთი შეხვედრა აშორებს. 12 ნოემბერს, "დინამო არენაზე" ვლადიმირ ვაისის შეგირდები ჩრდილოეთ მაკედონიას დაუპირისპირდებიან.

დღეს, საკოორდინაციო საბჭოს სხდომის შემდეგ, სამწუხაროდ, გაოფიციალურდა, რომ აღნიშნული მატჩი უმაყურებლოდ გაიმართება. ამის შესახებ განცხადება ვიცე-პრემიერმა მაია ცქიტიშვილმა გააკეთა.

"პოლიტიკური პროცესების და აქციების შედარება რაიმე თამაშთან, თუნდაც მნიშვნელოვანთან, არაა სწორი. ჩვენ არ შეგვიძლია პოლიტიკური პროცესის აკრძალვა, თუნდაც იმ ფონზე, რომ მათ არ უკეთიათ პირბადე.

სამწუხაროდ, დღეის მდგომარეობით, საქართველოსა და ჩრდ. მაკედონიის მატჩის ჩატარება გულშემატკივრების გარეშე მოგვიწევს. დიდი პასუხისმგებლობა გამოვიჩინოთ და ჩვენს ფეხბურთელებს სახლიდან ვუქომაგოთ. დარწმუნებული ვარ, ისინი ჩვენი სახლიდან მხარდაჭერით უარესად არ ითამაშებენ".

როგორი შემადგენლობით უნდა ითამაშოს საქართველოს ნაკრებმა ჩრდილოეთ მაკედონიასთან? დააფიქსირეთ თქვენი აზრი