ევრო 2016. 1/8-ფინალი. სენსაცია: ისლანდია 1/4-ფინალშია! [VIDEO]

27 ივნისს საფრანგეთში მიმდინარე ევროპის 2016 წლის ჩემპიონატზე 1/8-ფინალური ეტაპის ბოლო შეხვედრა გაიმართა. ერთმანეთს ინგლისისა და ისლანდიის ნაკრებები დაუპირისპირდნენ.

ინგლისელები შეხვედრის დასაწყისშივე დაწინაურდნენ, როცა უკვე მე-4 წუთზე ისლანდიელთა კარში პენალტი დაინიშნა, რომლის რეალიზებაც შემდგომ უენიმ რუნიმ მოახდინა. ამის შემდეგ ისლანდიელები გააქტიურდნენ და მეტოქეს ძალიან მალე ორი საპასუხო გოლი გაუტანეს - ჯერ 2 წუთში რაგნარ სიგურდსონმა გაიტანა, შემდეგ კი მე-19-ზე კოლბეინ სიგორსონმაც შეაგდო. ეს იყო და ეს - ინგლისელებმა თამაშის შემობრუნება ვეღარ შეძლეს.

ისლანდიამ სენსაციურად იმარჯვა და ტურნირის 1/4-ფინალში ითამაშებს, სადაც მათი მეტოქე მასპინძელი საფრანგეთის ნაკრები იქნება.